ඇය NDTV පුවත් සේවය සමග කළ විශේෂ සම්මුඛ සාකච්ඡාවකදී සඳහන් කර ඇත්තේ, ඒ සම්බන්ධයෙන් සිය ආයතනය කනගාටුව පළ කරන බව ය.

Facebook භාවිත කරන්නන්ගේ හැඟීම් පිළිබඳව ඔවුන් පළ කරන comments හරහා අධ්‍යයනය කිරීම එම සමීක්ෂණයේ අරමුණ විය.

Facebook භාවිත කරන්නන්ට කිසිදු දැනුම් දීමකින් තොරව 2012 වසරේ කරන ලද මෙම සමීක්ෂණය පිළිබඳ වාර්තාව පසුගිය දා එළිදැක්වුණු අතර ඒ සම්බන්ධයෙන් Facebook සමාගම දැඩි දෝෂදර්ශනයට ලක් විය.

Facebook භාවිත කරන්නන් චෝදනා කළේ, සිය අනුදැනුමකින් තොරව සිය comments සම්බන්ධයෙන් අධ්‍යයනය කිරීම පිළිබඳව දැඩි ලෙස විරෝධය දක්වන බව ය.

එය Facebook වෙබ් අඩවිය කෙරෙහි පැවති විශ්වාසය බිඳ දැමීමක් බවට ද ඇතැම් පිරිස් චෝදනා කළහ.

කෙසේ වෙතත්, Facebook සමාගමේ ප්‍රධාන මෙහෙයුම් නිලධාරිනී ෂෙරිල් සෑන්ඩ්බර්ග් අවධාරණය කළේ, Facebook භාවිත කරන්නන්ගේ පෞද්ගලිකත්වයට මෙම සමීක්ෂණය තුළින් කිසිදු හානියක් සිදු නොවූ බව ය.

(නිව්ස් ෆස්ට්)