විශේෂයෙන්ම මේ වන විටත් මීගමුව සහ හලාවත ප්‍රදේශ වල මුස්ලිම් ජනතාව වෙත ඊයේ රාත්‍රියේ සිටම මැර කණ්ඩායම් වෙතින් තර්ජනාත්මක පණිවිඩ ලැබෙමින් තිබෙන බව දැන ගැනීමට තිබේ.
යම් කිසි විදිහකින් ගොටාබය සර් පරාජය වුනොත් තොපි වග කියන්න ඕන, යන්න රටක් හොයා ගනින් ,මෙහෙ ඉන්න දෙන් නෑ සහරාන්ලගේ එවුන්ට, ගහලා මරණවා ආදී ලෙස පවසමින් මේ පිරිස තර්ජනය කර තිබේ. මේ සම්බන්ධයෙන් පොලිස් පැමිණිල්ල ඉදිරිපත් කිරීමට පවා මෙම පිරිස බියට පත්ව සිටීම නිසා එජාපයේ ප්‍රදේශිය දේශපාලකයන් පවා මෙම ප්‍රශ්නය හමුවේ අසරණව සිටී.
පසුගිය මැතිවරණ ප්‍රචාරක සමයේදී ගොටාබය රාජපක්ෂගේ නීතිඥයාවන මුස්ලිම් ජාතික අලි සභ්‍රී විසින්ද ප්‍රසිද්ධියේ පවසා තිබුණේ ගොටා ආවොත් අම්බානක කන්න වෙනවා ඒ නිසා අපේ(මුස්ලිම්) අයගේ සහයොගයත් ඔහුට ලබා දී ඒ ප්‍රහාරයන්ගෙන් වැලැකිය යුතු බවය.
