මෙවර අයවැය යෝජනා යටතේ දැනට පවතින භාණ්ඩ හා සේවා බද්ද වෙනුවට තනි විශේෂ භාණ්ඩ හා සේවා බද්දක් යෝජනා කර තිබේ. මත්පැන්, දුම්වැටි, විදුලි සංදේශ, ඔට්ටු ඇල්ලීම්, සූදු සහ මෝටර් රථ වෙනුවෙන් පනවා ඇති විවිධ බදු ඒකාබද්ධ කර තනි බද්දක් අයකිරීම මෙමගින් යෝජනා කර තිබේ.
දැනට බදුවලින් ලැබෙන ආදායමින් 50%ක් මෙම තනි බද්ද හරහා අයකර ගැනීමට නියමිතය.
2019 වර්ෂය අවසානයේ දී රජය හඳුන්වා දුන් බදු සහනවලට අදාළ සංශෝධන හේතුවෙන් පසුගිය වසරේ (2020) රුපියල් බිලියන 400කට ආසන්න බදු ආදායම් අහිමි වී ඇති බව දේශීය ආදායම් දෙපාර්තමේන්තු වාර්තා අනාවරණය කරයි.
එසේම ආදායම් බදු අයකළ යුතු අගය ඉහළ නැන්වීම ඇතුළු තවත් සංශෝධන කිහිපයක් හේතුවෙන් පැවැති බදු ලිපිගොනු 25000ක් පමණ දෙපාර්තමේන්තුවට අහිමි වී ඇතැයිද වාර්තා වේ.
කෙසේ වෙතත් මුදල් අමාත්‍යාංශ වාර්තා අනාවරණය කරන ආකාරයට නව බදු ක්‍රමය හඳුන්වා දීම එළැඹෙන මාර්තු මාසයේ දී සිදු කිරීමට සැලසුම් කර තිබේ.
-අරුණ
