මේ අතර යහපාලන සමයේ අතරමඟ නවතා දමා තිබූ කොම්පඤ්ඤවීදිය ප්‍රතිසංවර්ධන ව්‍යාපෘතියේ දෙවන අදියර යටතේ නිවාස ඉදිකිරීමේ කටයුතු ද අද ආරම්භ වුණා.
1976 වසරේ සමුළු නිවාස හෙවත් සමිට් ෆ්ලැට්ස් ඉදිකෙරුණේ නොබැදි සමුළුවට පැමිණි ජාත්‍යන්තර මාධ්‍යවේදීන් ඇතුළු ඉහළ පෙළේ නිලධාරීන් උදෙසායි. පසුව මෙම නිවාස රජයේ නිලධාරීන්ට ලබා දෙනු ලැබුවා. අක්කර 12 ක භූමියක නිවාස ඒකක 175 ක් සහ බංගලා 15 ක් මෙහි පවතිනවා. කොළඹ නගරයේ අතිශය ඉහළ වටිනාකමකින් යුතු මෙම ඉඩම ඵලදායී කාර්යයක් සදහා යෙදවීම රජයේ අරමුණයි. ඒ අනුව අක්කර දෙකක නව නිවාස ඒකක 400 ක් ඉදිකොට රාජ්‍ය සේවා පළාත් සභා හා පළාත් පාලන අමාත්‍යාංශයට භාරදීමට නියමිතයි. ඉතිරි අක්කර දහය වෙනත් ආර්ථික කටයුතු සහා භාවිත කිරිමයි අපේක්ෂාව. මීට අදාළ ගිවිසුමට රාජ්‍ය සේවා පළාත් සභා හා පළාත් පාලන අමාත්‍යාංශ ලේකම් ජේ ජේ රත්නසිරි, නිවාස සංවර්ධන අධිකාරියේ සභාපති හර්ෂන්ද සිල්වා අධ්‍යක්ෂ ජෙනරාල් ප්‍රසාද් රණවීර යන මහත්වරුන් අත්සන් තැබුවා.
මේ අතර කොම්පඤ්ඤවීදිය ප්‍රතිසංවර්ධන ව්‍යාපෘතිය යටතේ ඉතිරි නිවාස ඉදිකිරීමේ කටයුතු වසර දෙකකින් අවසන් කිරීමේ පදනම මත වෙනත් සමාගමකට පැවරීම අද සිදු කෙරුණා. නාගරික සංවර්ධන හා නිවාස අමාත්‍යාංශයේ ලේකම් සිරිනිමල් පෙරේරා මහතාගේ මූලිකත්වයෙනුයි එම කටයුතු සිදු කෙරුණේ.
-ITN
