විභාග කොමසාරිස් ජනරාල් සනත් පූජිත පැවසුවේ මෙම මධ්‍යස්ථාන පිහිටුවීම සම්බන්ධයෙන් පළාත් අධ්‍යාපන අධ්‍යක්ෂවරුන් සමග සාකච්ඡා කර අවශ්‍ය විධිවිධාන යොදවා ඇති බවයි.
මේ වන විට බස්නාහිර පළාතේ සිසුන් කිහිප දෙනකුටම වයිරසය වැලඳී තිබෙන බව වාර්තා වී තිබෙන අතර එම සිසුන් සම්බන්ධයෙන් ප්‍රදේශයේ මහජන සෞඛ්‍ය පරීක්ෂකවරුන්ගේ උපදෙස් මත අවශ්‍ය පියවර ගන්නා ලෙස පාසල් ප්‍රධානීන්ට දන්වා ඇතැයි බස්නාහිර පළාත් අධ්‍යාපන අධ්‍යක්ෂ ශ්‍රී ලාල් නෝනිස් සඳහන් කර තිබේ.
මෙවර විභාගය සඳහා අයැදුම්කරුවෝ හයලක්ෂ විසි එක් දහසක් පමණ පෙනී සිටිති. මාර්තු මස පළමු වැනිදා සිට දහවැනිදා දක්වා විභාගය පැවැත්වීමට නියමිතයි.
-පංචාලි අබේසේකර
