2016 වසරේ දී මහ බැංකු බැඳුම්කර නිකුතු දෙකක දී රුපියල් බිලියන 52කට ආසන්න රජයේ මුදල් සාවද්‍ය ලෙස පරිහරණය කළේ යැයි කියන සිද්ධියක් සම්බන්ධයෙන් තමන්ව අත්අඩංගුවට ගැනීමට නිකුත්කර ඇති වරෙන්තු බලරහිත කරන ලෙස එම පෙත්සම්වලින් ඉල්ලා තිබේ.
මෙම පෙත්සම් ඉකුත් දෙසැම්බර් මස විභාගයට ගැනීමට නියමිතව තිබුණතද උපරිමාධිකරණ සංකීර්ණය අවට ප්‍රදේශයේ පැවති නිරෝධායන ඇඳිරි නීති තත්ත්වය හේතුවෙන් එය විභාග කිරීමක් සිදු නොවිණි.
ඒ අනුව එම පෙත්සම් සෝභිත රාජකරුණා සහ ධම්මික ගනේපොල යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල ඉදිරියේ අද (02) කැඳවූ අවස්ථාවේදී එය යළි මාර්තු මස 26 වනදා විභාගයට ගැනීමට දින නියම කෙරුණි.
-පංචාලි අබේසේකර
