එසේම ආණ්ඩුව එම වාර්තාවේ අන්තර්ගත තොරතුරු සැඟවීමට උත්සාහ කරමින් සිටින්නේ කුමන කරුණක් හේතුවෙන්දැයි විපක්ෂ නායකවරයා ප්‍රශ්න කරයි.
ඊයේ (18 වැනිදා) විපක්ෂ නායක කාර්යාලයේ පැවැති විශේෂ මාධ්‍ය හමුවකදී විපක්ෂ නායකවරයා මේ පිළිබදව දැක්වූ අදහස් ,
‘‘දේශපාලන පළිගැනීම් පිළිබඳ ජනාධිපති කොමිෂන් සභා වාර්තාව මේ රජය විසින් එළිදක්වන්නේ නැත්තේ ඇයි? දැන් එම වාර්තාව පදනම් කරගෙන තවත් දෙවැනි කොමිසමකුත් පත්කරලා. නමුත් පළමු වාර්තාව තවමත් නීත්‍යනුකූලව හෙළිදරව් කරලා නැහැ. ඒ ඇයි? මොනවද හංගන්න හදන්නෙ?.
රජය වහාම ඊළඟ පාර්ලිමේන්තු දිනයේදී මේ කොමිෂන් සභා වාර්තාව සභාගත කරලා ඒ සතියේම ඒ පිළිබඳ පුළුල් පාර්ලිමේන්තු විවාදයක් අපට ලබාදිය යුතුයි. මේ කොමිෂන් සභා වාර්තාවල රටට ඉතාම වැදගත් කරුණුකාරණා අඩංගු බව තමයි මේවා පත්කරනකොට රජය ජනතාවට කිව්වේ.’’ යැයි විපක්ෂ නායකවරයා ප්‍රකාශ කර තිබේ.
-පංචාලි අබේසේකර
