ඉස්ලාමීය ආගමික පොත්පත් මෙරටට ගෙන ඒමේ දී ආරක්ෂක අමාත්‍යාංශයේ අනුමැතිය ලබාගෙන තිබිය යුතු බවට ආරක්ෂක අමාත්‍යාංශය රේගු දෙපාර්තමේන්තුවට හා ඉස්ලාම් ආගමික කටයුතු දෙපාර්තමේන්තුවට පසුගිය සතියේ උපදෙස් ලබා දී ඇත.
කෙසේ වෙතත් මීට සති තුනකට පෙර පොත් ආනයනකරුවකු මෙරටට ගෙන ආ ඉස්ලාමීය පොත් අතරේ වහබ් අන්තවාදය පතුරුවන පොත් දහසක් පමණ තිබී අත්අඩංගුවට ගෙන තිබිණි.
එලෙස අත්අඩංගුවට ගෙන ඇත්තේ අරාබි භාෂාව දන්නා නිලධාරීන් ලවා පරීක්ෂා කිරීමේ දී අන්තවාදය පතුරුවන සංහිඳියාවට බාධා එල්ලවිය හැකි පොත් තිබෙන බව හෙළි වීමත සමගය.
ඒ අනුව එවැනි පොත් රට තුළ ඇත්දැයි සෙවීමට බුද්ධි නිලධාරීන්ට මාස හයක අරාබි භාෂාව කියවීමේ පුහුණුවක් ලබාදීමට රජය තීරණය කර ඇත.
-පංචාලි අබේසේකර
