වහාබ්වාදය සහ මුස්ලිම් අන්තවාදය දරුවන්ට උගන්වන මද්‍රසා පාසල් පිළිබඳව මේ වනවිට පුළුල් විමර්ශනයක් සිදුකර ඇති අතර එවැනි පාසල් 2000 ක් රට පුරා ස්ථාපිත කර තිබෙන බවට හඳුනාගෙන ඇති බවද අමාත්‍යවරයා පවසයි.

මෙවැනි අන්තවාදී අදහස් උගන්වන පාසල් පැවතුනහොත් ඉදිරියේදී රටේ ජාතිවාදී කලබල ඇතිවීමට ඉඩ ඇති අතර ජාතීන් අතර විශාල අසමගියක් ඇතිවීමට ඉඩ ඇති බවද ඒ මහතා කියා සිටියි.

මේ හේතුව නිසා ජාතිවාදය, වාහබ්වාදය උගන්වන පාසල් රටේ නොතිබිය යුතුය යන ස්ථාවරයේ තමන් පසුවන බව කී සරත් වීරසේකර මහතා මෙවැනි පාසල් ඉදිරියේදී බිහිවීමට ඉඩ නොතබන බවද කියා සිටියේය.

-පංචාලි අබේසේකර