සමාලෝචන කාල පරිච්ඡේදය තුළ තේ අපනයන ප්‍රමාණය සියයට 17.30 කින් (කිලෝ මිලියන 10.31) කින් කිලෝග්‍රෑම් මිලියන 69.89 ක් දක්වා ඉහළ ගොස් ඇති බවත් එම වාර්තාවේ දැක්වේ. මීට අමතරව, එක්සත් ජනපද ඩොලර් වටිනාකම අනුව කිලෝග්‍රෑමයකට ඩොලර් 4.87 දක්වා ඉහළ ගොස් ඇති බව ෆෝබ්ස් පවසයි.
මේ අතර, රුපියල අනුව, පළමු කාර්තුවෙහි මෙම වැඩිවීම සියයට 13.62 කින් (රු. 112.58) කිලෝග්‍රෑමයකට රුපියල් 938.97 ක් විය.
මීට අමතරව, 2021 පළමු කාර්තුවෙහි තේ නිෂ්පාදනය සියයට 37.91 කින් (කිලෝග්‍රෑම් මිලියන 20.35) ඉහළ ගොස් ඇති බව ෆෝබ්ස් පවසයි.
ශ්‍රී ලංකාවෙන් තේ මිළදී ගන්නා ප්‍රධාන රටවල් පිළිවෙලින් තුර්කිය, ඉරාකය, රුසියාව, චීනය, එක්සත් අරාබි එමීර් රාජ්‍යය, අසර්බයිජානය, ලිබියාව, සිරියාව, ඉරානය, ජර්මනිය, සවුදි අරාබිය, ජපානය, ජෝර්දානය, චිලී, තායිවානය, යුක්රේනය, ඇමරිකා එක්සත් ජනපදය, හොංකොං, ලෙබනනය, පෝලන්තය, ඊජිප්තුව, බෙල්ජියම, නෙදර්ලන්තය, අයර්ලන්තය සහ ඕස්ට්‍රේලියාව වේ.
