නැගෙනහිර කොළඹ ශික්ෂණ රෝහලේ දැඩි සත්කාර ඒකකයේ ප්‍රතිකාර ලබන ගැබිනි මවක් දැඩි අසාධ්‍ය තත්ත්වයේ පසුවන බවද ඔහු කියා සිටියා. එහෙයින් ගැබිනි මව්වරුන් සෞඛ්‍ය මාර්ගෝපදේශ අනුගමනය කිරීම මේ මොහොතේ අත්‍යවශ්‍ය කාරණයක් බවයි ඔහු සදහන් කරන්නේ.
කොවිඩ්-19 වයිරසයට ගොදුරු වීමේ දැඩි අවදානමක් ඇති කණ්ඩායමක් ලෙස ගැබිනි කාන්තාවන් හඳුනාගෙන ඇති බැවින් සෞඛ්‍ය මාර්ගෝපදේශ අකුරටම ඉටුකරන ලෙස ප්‍රසව හා නාරිවේද විශේෂඥ වෛද්‍යවරුන්ගේ විද්‍යායතනය අනතුරු අඟවා තිබේ.
විශේෂයෙන් රජයේ හා පෞද්ගලික අංශයේ රැකියා කරන ගැබිනි කාන්තාවන්ට කොවිඩ්-19 වයිරසය වැලඳීමේ අවදානම වැඩි බවයි සෞඛ්‍ය අංශ පවසන්නේ.
ගැබිනි කාන්තාවන් සඳහා කොවිඩ්-19 එන්නත ලබාදීම සුදුසු බව ප්‍රසව හා නාරිවේද විශේෂඥ වෛද්‍යවරුන් අවධාරණය කරයි. එය බ්‍රිතාන්‍ය රාජකීය ප්‍රසව වෛද්‍යවරුන්ද නිර්දේශ කර ඇති අතර එන්නත ලබාගැනීමෙන් කලලයට හානියක් නොවන බවද ඔහු පවසයි.
-පංචාලි අබේසේකර
