රැඳවියන් 211 දෙනකු අතුරින් ආසාදිත රැඳවියන් 104 හඳුනා ගත් බවයි බන්ධනාගාර දෙපාර්තමේන්තුව සදහන් කළේ.
බෝගම්බර පැරණි බන්ධනාගාරය තුළ මේ වන විට රැඳවියන් 536 දෙනකු රඳවා සිටින අතර ඔවුන් ද කඩිනමින් පි .සි ආර් .පරීක්ෂණ සිදුකිරීමට නියමිතයි.
කොවිඩ් ආසාදිතයින් බවට තහවුරු වූ එම රැඳවියන් පිරිස යාපනය බන්ධනාගාරය වෙත මාරු කර යැවීමට පියවර ගෙන තිබේ.
පසුගියදා බෝගම්බර බන්ධනාගාරයේ රැඳවියන් පිරිසක් බන්ධනාගාර ගොඩනැගිල්ලක වහලය මතට නැග විරෝධතාවයක් අරඹා තිබූන අතර එයට හේතුව වී ඇත්තේ රැඳවියන් සඳහා PCR පරීක්ෂණ සිදුකරන ලෙස සහ කඩිනමින් ඇප ලබාදෙන ලෙස ඉල්ලමින් ය.
රැඳවියන් 40 දෙනෙකුට ආසන්න පිරිසක් මෙම විරෝධතාවයේ නිරතව තිබුණි.
-පංචාලි අබේසේකර
