රටේ වර්තමාන ආර්ථික තත්ත්වය සහ කොවිඩ් වසංගත තත්ත්වය හමුවේ ආර්ථික ස්ථාවරත්වය උදෙසා ගෙන ඇති පියවර පිළිබඳ සාකච්ඡා මෙම හමුවේ අරමුණ විය.
එහි දී මහ බැංකු අධිපතිතුමා සහ නිලධාරී පිරිස රටේ වත්මන් ආර්ථික තත්ත්වය පිළිබඳ විශ්ලේෂණයක් සිදු කළ අතර මහ බැංකුවෙන් ඉටුවිය යුතු කාර්යභාරය නොපිරිහෙළා ඉටු කරන ලෙස අග්‍රාමාත්‍යවරයා උපදෙස් දී ඇත.
මෙම අවස්ථාවට රාජ්‍ය අමාත්‍ය අජිත් නිවාඩ් කබ්රාල්, මහ බැංකු අධිපති මහාචාර්ය ඩබ්ලිව්.ඩී. ලක්ෂ්මන්, නියෝජ්‍ය මහ බැංකු අධිපතිවරු වන ටී.එම්.ජේ.වයි.ටී. ප්‍රනාන්දු, කේ.එම්.එම්. සිරිවර්ධන, එම්.ඩබ්ලිව්.ජී.ආර්.ඩී. නානායක්කාර, මහ බැංකු ආර්ථීක පර්යේෂණ අධ්‍යක්ෂ, ආචාර්ය චන්ද්‍රනාත් අමරසේකර, අග්‍රාමාත්‍ය කාර්ය මණ්ඩල ප්‍රධානී යෝෂිත රාජපක්ෂ, අග්‍රාමාත්‍ය අතිරේක ලේකම් චමින්ද කුලරත්න යන මහත්ම මහත්මීහු එක්ව සිටියහ.
-පංචාලි අබේසේකර
