මේම වසර තුළ තේ කිලෝ මිලියන 305ක අස්වැන්නක් හිමි කර ගෙන ඇති අතර, තේ කර්මාන්තයෙන් ඉහළ අපනයන අදායමක් හිමි කර ගැනීමට හැකියාව පැවතිය ද එම අවස්ථාව අහිමි වී ගිය බවත් , අභියෝග හමුවේ එළැඹෙන නව වසර තේ කර්මාන්තයේ ලාභදායීම වසර කිරීම සඳහා කුඩා තේ වතු සංවර්ධන අධිකාරියේ කැප වීම බලාපොරොත්තු වන බවත් වැවිලි කර්මාන්ත ඇමැති, වෛද්‍ය රමේෂ් පතිරණ මහතා උත්සවයකදී පවසා තිබේ. තේ නැවත වගා කිරීම වැඩි වශයෙන් වූ මේ වසරේදී තේ වගාවට එක්වන ඕනෑම කෙනකුට නොමිලයේ තේ පැළ හා කොම්පෝස්ට් පොහොර දීමට ආණ්ඩුව සූදානම් හෙයින් සාම්ප්‍රදායික වගාවෙන් ඔබ්බට ගොස් වඩා හොඳ වැවිලි ආර්ථිකයක් ගොඩ නැඟීමේ වැඩපිළිවෙළට දායක වීමේ හැකියාව ලැබෙන බව ද අමාත්‍යවරයා පෙන්වා දී ඇත. තේ පැළ ඉල්ලුම් කර ඇති සියලු දෙනාට අවශ්‍ය තාක්ෂණික දැනුම හා තත්ත්වයෙන් උසස් ගුණාත්මක තේ පැළ දීමටද රජය පියවර ගැනීමට සුදානම්ව සිටි.
පෙබරවාරි මාසය වන විට පොහොර ගැටලුව විසඳීමටත්, අමු තේ දලුවලට ඉහළ මිලක් දීම සම්බන්ධයෙනුත් මේ වන විට රජය සැලසුම් සකස් කෙරෙමින් පවතී. වත්මන් රජය සියලු අභියෝග මැද ආර්ථිකය රටේ ශක්තිමත් කිරීම සදහා අතිශය කැපකිරීම් කරමින් දැඩි උත්සාහයක නිරතව සිටි..එය මේ මොහොතේ විය යුත්තක් සහ එම අරමුණ වෙනුවෙන් වැඩපිළිවෙලවන් ඉලක්කගතව ක්‍රියාවට නැංවීම අගය කළ යුතු කරුණක්ව ඇත.
-පංචාලි අබේසේකර
