කොළඹ වරාය නගරයේදී ගන්නා සෙල්ෆි වලට ගාස්තු අයවෙතැයි පැතිර යන කතා බොරුවක් !

Published in පුවත්
Monday, 24 January 2022 10:33

කොළඹ වරාය නගරයේ දී ලබාගන්නා පුද්ගලික ඡායාරූප සහ වීඩියෝ දර්ශන සඳහා ගාස්තු ගෙවිය යුතු බවට සමාජ මාධ්‍ය ඔස්සේ පැතිර යන පුවත් මුළුමනින්ම අසත්‍ය බව එම ව්‍යාපෘති සමාගම පවසයි.

එහෙත් පෞද්ගලික උත්සව සහ වෘත්තීය/ වාණිජමය ඡායාරූප හා වීඩියෝ සඳහා ගාස්තු ක්‍රමවේදයක් මේ වනවිට හඳුන්වා දී ඇත. පසුගියදා කොළඹ වරාය නගරයේ සැහැල්ලු යාත්‍රාංගණය ඉදිරිපස පදික මංතීරුව විවෘත කිරීමෙන් අනතුරුව එවැනි රූගත කිරීම් සම්බන්ධයෙන් ඉල්ලීම් විශාල ප්‍රමාණයක් ලැබීම නිසා ව්‍යාපෘති සමාගම එම තීරණය ගෙන තිබේ.

එමෙන්ම මෙලෙස ඡායාරූප ගැනීම සහ වීඩියෝ දර්ශන ලබාගැනීම මගින් ජනතාවට බාධා සිදුවන බවත්, එමගින් වරාය නගරයට පැමිණෙන සෙසු ජනතාවගේ පෞද්ගලිකත්වය උල්ලංඝනය වන බවත් ව්‍යාපෘති සමාගමට පෙනී ගොස් ඇත.
ජනතාවගේ ආරක්ෂාව මෙන්ම දැනට වරාය නගර තුළ සිදුවන ඉදිකිරීම් කටයුතු සැලකිල්ලට ගනිමින්, ජනතාවට සිදුවන බාධාවන් අවම කිරීම මෙන්ම, ඡායාරූප සහ වීඩියෝ දර්ශන ලබාගැනීමට අවශ්‍ය පුද්ගලයන්ට වඩාත් හොඳ සේවාවක් ලබාදීම අරමුණු කරගෙන, නව ගාස්තු ව්‍යුහය සහ කාලසීමාවන් ප්‍රකාශයට පත්කර තිබේ.

කොළඹ වරාය නගරයේ සැහැල්ලු යාත්‍රාංගණය ඉදිරිපස පදික මංතීරුව පෙරවරු 9.00 සිට පස්වරු 6.00 දක්වා මහජනතාව වෙනුවෙන් විවෘතව පවතින අතර, මුදල් ගෙවා සිදුකරන ඡායාරූප ගැනීම් සහ වීඩියෝ දර්ශන ලබාගැනීම් කටයුතු, පෙරවරු 9.00 ට පෙර හෝ වෙනත් සුදුසු වෙලාවක යොදාගත හැකි වේ.

එහෙත් තම පෞද්ගලික ජංගම දුරකථන හෝ කැමරා භාවිතා කරමින් කොළඹ වරාය නගර පරිශ්‍රය තුළ පෞද්ගලික ඡායාරූප, වීඩියෝ හෝ සෙල්ෆි ඡායාරූප ලබාගන්නා පුද්ගලයන්ට මෙම ගාස්තු ක්‍රමවේදය අදාළ නොවන බව ව්‍යාපෘති සමාගම අවධාරණය කරයි. එමෙන්ම පිළිගත් ජනමාධ්‍ය හා සමාජ මාධ්‍ය ආයතන වලට, වාණිජ නොවන ප්‍රවෘත්ති සහ කාලීන තොරතුරු සඳහා, අදාළ අංශ වලින් නිසි අවසරය ලබාගැනීමෙන් අනතුරුව, කොළඹ වරාය නගර පරිශ්‍රය තුළ කිසිඳු මුදල් ගෙවීමකින් තොරව ඡායාරූප හෝ වීඩියෝ දර්ශන ලබාගත හැකි වේ.

පෞද්ගලික උත්සව, විවාහ මංගලෝත්සව, නිෂ්පාදන හෝ විලාසිතා ප්‍රවර්ධන කටයුතු, ගීත රූප රචනා, වෙළඳ දැන්වීම් හෝ වෙනත් වාණිජ අරමුණු සඳහා සිදුකරන ඡායාරූප ගැනීම් හෝ වීඩියෝ පටිගත කිරීම් සඳහා පමණක් නව ගාස්තු ක්‍රමවේදය අදාළ වනු ඇත. මෙමගින් ලැබෙන ආදායම, කොළඹ වරාය නගරයේ පොදු ස්ථාන කළමනාකරණය කරන Estate Management Company (EMC) සමාගම වෙත බැර වන අතර එම මුදල් නඩත්තු කටයුතු (මහජන උද්‍යාන, වැසිකිළි, කසළ ඉවත් කිරීම වැනි) සඳහා භාවිතා කෙරේ.

කොළඹ වරාය නගරයේ සැහැල්ලු යාත්‍රාංගණය, ගොල්ෆ් ක්‍රීඩාංගණය, වෙරළ උද්‍යානය සහ ATV ධාවන පථය වැනි ස්ථාන මීට පෙර සිටම මුදල් ගෙවීමේ පදනම මත, ඡායාරූප හෝ රූපගත කිරීම් සඳහා එකී පෞද්ගලික සේවා සම්පාදන සමාගම් ඔස්සේ ජනතාවට විවෘතව පැවතිණි.

-පංචාලි අබේසේකර

Leave a comment

Gossip

චම්පිකගේ කරුමය

චම්පිකගේ කරුමය

රාජගිරියේදී වූ රිය අනතුරට අදාලව සමගි ජන බලවේගය පාර්ලිමේන්තු මන්ත්‍රී පාඨලී චම්පික රණවකට එරෙහිව පසුගි...

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි   

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි  

සිංහල කාන්තාවන් දහස් ගණනකට වඳ සැත්කම් කරන ලදැයි චෝදනා කරමින් දීර්ඝ කාලයක් අත් අඩංගුවේ රදවාගෙන සිට නි...

බෝම්බ ප්‍රහාරයෙන් ආබාධිත වූ මහින්ද විජේසේකරට කළ අපහාසයට මනූෂට දැඩි විරෝධයක්..

බෝම්බ ප්‍රහාරයෙන් ආබාධිත වූ මහින්ද විජේසේකරට කළ අපහාසයට මනූෂට දැඩි විරෝධයක්..

ධීවර රාජ්‍ය ඇමති කාංචන විජේසේකර මහතාගේ පියා වූ හිටපු අමාත්‍ය මහින්ද විජේසේකර එල්ටීටීඊ බෝම්බ ප්‍රහාරය...

අනුරයියාගේ ‍රැල්ල...

අනුරයියාගේ ‍රැල්ල...

බුකියේ ‍රැළි හැදීම සාමාන්‍ය දෙයක්..ඒවාත් මුහුදු රැළි වගේ එනවා යනවා. සමහර ඒවා අතරමඟදී සුනුවිසුනු වෙයි...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us