එමෙන්ම මෙම වසරේදී වැවිලි කේෂ්ත්‍රයෙන් ඇමරිකානු ඩොලර් මිලියන 600ක පමණ ආදායමක් අපේක්ෂා කරන බවයි අමාත්‍යවරයා පවසා ඇත්තේ. අපනයන කෘෂිකර්ම දෙපාර්තමේන්තුව විසින් මාතලේ, උකුවෙල ප්‍රදේශයේ ඉදිකරන ලද කුළුබඩු මන්දිරය හා නව තොරතුරු මධ්‍යස්ථානය විවෘත කිරීමේ අවස්ථාවට එක් වෙමින් අමාත්‍යවරයා මේ බව සදහන් කර ඇත.
මෙහිදී රන්වැලි යසස් ශ්රී නාමයෙන් යුතු නව එනසාල් ප්‍රභේදයක් හඳුන්වාදීම හා ප්‍රදේශයේ කුළුබඩු ආශ්‍රිත වගාකරුවන්ට සහනාධාර ප්‍රධානය කිරීමක්ද අමාත්‍යවරයාගේ ප්‍රධානත්වයෙන් සිදුවිය.
ලංකාවේ සුළු අපනයන බෝග වන්නේ බොහෝ විට කුළුබඩු යි. මේවා ලෝකයේ ඉස්තරම්ම කුළුබඩු ලෙස නමක් දිනාගෙන ඇත. මීට බොහෝ විට හේතු වන්නේ ඒවා වැවීමට යෝග්‍ය පසක් හා දේශගුණයක් ලංකාවේ තිබීම යි. ලෝකයේ සරුම ගම්මිරිස් හා කුරුඳු ඇත්තේ ලංකාවේ යි. එම නිසා කුළුබඩු නිපදවන රටවල් අතරින් ශ්රී ලාංකික අනන්‍යතාව විශේෂ වේ. ශ්රී ලංකාවේ සුළු අපනයන බෝග වලට විදේශ වෙලඳපොලේ අධික ඉල්ලුමක් ඇති වීමට එය හේතුවකි.
තිරසාර සංවර්ධනයක් කරා යන ගමනේදී ‘‘අපනයන කෘෂි බෝගවලට’’ හිමිවන්නේ ප‍්‍රමුඛස්ථානයක්. ඒ හෙළ රජ දවස සිට මේ ක්ෂේත‍්‍රයේ දී ශ්රී ලංකාව ලබා ඇති ජාත්‍යන්තර කීර්තිය සහ ස්වභාව ධර්මයේ අනුග‍්‍රහය ලොව අන් කිසිම රටකට නොදෙවැනි වන නිසයි. මෙරට සුළු අපනයන වගා කරුවන්ගේ ආර්ථිකයද ශක්තිමත් කරමින් , අපේ රටේ අපේම දේ ජාත්‍යන්තරයට ගෙන ගොස් ඔසවා තබමින් මෙරටට අදායමක් එක් කර ගැනීමට වත්මන් රජය ඇප කැප වී ඇත..සුළු අපනයන වගා කරුවන්ගේ ප්‍රශ්ණ විසදමින් ඔහුන්ට අවශ්‍ය සහනාධාර ,දැනුම අමාත්‍යංශය හරහා සපයමින් මෙරට වැවිලි කේෂ්ත්‍රය ඉහළට ගෙන යාමට රජය කටයුතු කරමින් සිටින්නේ ඒ අයුරෙනි.
-පංචාලි
