තානාපති කාර්යාලය සඳහන් කර ඇත්තේ චීන විදේශ අමාත්‍යාංශය සහ ජාත්‍යන්තර සංවර්ධන සහයෝගීතා නියෝජිත ආයතනය එක්ව මෙම ආධාර ලබාදීමට තීරණය කර ඇති බවයි.
වත්මන් දුෂ්කරතා මඟහරවා ගැනීම සඳහා මෙරට ජනතාවට උපකාර කිරීමේ අරමුණින් මෙම ආධාර ලබාදෙන බවත් එසේ ලබා දෙන ආධාර සම්බන්ධයෙන් වන තොරතුරු ඉදිරියේදී ප්‍රකාශයට පත් කරන බව චීන තානාපති කාර්යාලය වැඩිදුරටත් සඳහන් කර තිබේ.
මේ අතර ශ්‍රී ලංකාවට ඉන්ධන මිලදී ගැනීම සදහා තවත් ඩොලර් මිලියන 500 ක මූල්‍යාධාර ලබාදීමට ඉන්දියාව එකඟ වී ඇති බව අමාත්‍ය මහාචාර්ය ජීඑල් පීරිස් මහතා පවසනවා. විදේශ අමාත්‍යවරයා තවදුරටත් සදහන් කළේ බංග්ලාදේශයට ගෙවිය යුතු ඩොලර් මිලියන 450 ක ගෙවීම කල් දැමීමට එරට රජය කැමැත්ත පල කර ඇති බවයි.
මේ මොහොතේ ශ්‍රී ලංකාව පත්ව ආර්ථික අර්බුදයෙන් ගොඩ ගැනීම සදහ මිත්‍ර රටවල් මෙලෙස සහය දක්වමින් ඇත. එය මේ මොහොතේ රටට විශාල ශක්තියක් වනවා සේම නැවත නැවතත් ඒ ඒ රටවල් වල ඇති මිත්‍රත්වය විදහාදක්වන්නකි. සෙසු රටවල් අපේ රටේ අර්බුදයට විසදුම් සෙවීමට මුදලින් ශක්තියක් වෙද්දී අපේම රටේ අපේම ජනතාවගේ යුතුකම වන්නේ මේ මොහොතේ සමස්ත ශ්‍රී ලංකාවම වෙනුවෙන් වචනයකින් හෝ ශක්තියක් වීම පමණකි.
-පංචාලි
