ආර්ථිකය හරියට හදා ගන්න ඇමරිකාවේ සහය වැදගත්

Published in පුවත්
Monday, 27 June 2022 19:11

ශ්‍රී ලංකාවේ රාජ්‍ය මුල්‍ය කලමණාකරන කටයුතු සදහා තාක්ෂණික සහාය ලබා දිමටත් ජාත්‍යන්තර මූල්‍ය අරමුදල සමග ඇතිකරගෙන තිබෙන සබඳතාව ශක්තිමත්ව පවත්වාගෙන යාමට සෑම මට්ටමකදීම අඛණ්ඩව සහාය වන බවත් මෙරටට පැමිණ සිටින ඉහළ පෙළේ ඇමරිකානු රාජ්‍ය තාන්ත්‍රික දූත පිරිස ජනාධිපති ගෝඨාභය රාජපක්ෂ සහ අගමැති රනිල් වික්‍රමසිංහ සමඟ පැවැති සාකච්ඡා වලදී පවසා තිබේ.

ඇමරිකානු රාජ්‍ය දෙපාර්තමේන්තුව සහ භාණ්ඩාගාර දෙපාර්තමේන්තුව නියෝජීත පිරිස සහ ජනාධිපතිවරයා  අද (27) පෙරවරුවේ කොළඹ,ජනාධිපති මන්දිරයේ දී හමුවු අතර අගමැතිවරයා සමඟ හමුව අග්‍රාමාත්‍ය කාර්යාලයේදී පැවැත්විණි.

මෙම සාකච්ඡාවලදී ශ්‍රී ලංකාවේ අනාගතය ගැන ඇමරිකානු ජනාධිපති ජෝ බයිඩ්න් මහතා ඉතා උනන්දුවෙන් පසුවන බවත් මේ අසීරු කාල සීමාවේදී ශ්‍රී ලංකාව සමග එකට ගමන් කිරීමටත්, අවශ්‍ය සහාය දෙමින් හැකි උපරිමයෙන් උපකාර කිරීමට කටයුතු කරන ලෙසත් ඇමරිකානු ජනාධිපතිවරයා උපදෙස් දුන් බව එක්සත් ජනපද රාජ්‍ය දෙපාර්තමේන්තුවේ දකුණු සහ මධ්‍යම ආසියාව සඳහා නියෝජ්‍ය රාජ්‍ය සහකාර ලේකම් කෙලී කීඩර්ලින් (Kelly Keiderling) සහ එක්සත් ජනපද භාණ්ඩාගාර දෙපාර්තමේන්තුවේ ආසියානු කලාපය භාර නියෝජ්‍ය ලේකම් රොබර්ට් කැප්‍රෝත් (Robert Kaproth) යන මහත්වරු සඳහන් කර තිබේ.

මේ වන විටත් අමරිකාව කුඩා පරිමාණ ව්‍යාපාර නගා සිටුවීමට කොමර්ෂල් බැංකුවට ඇමරිකානු ඩොලර් මිලියන 100ක මධ්‍ය කාලීන ආධාර මුදලක් සහ මානුෂීය ආධාර ලෙස ඩොලර් මිලියන 5.75ක් හා ඩොලර් මිලියන 6ක් ලෙස ශ්‍රී ලංකාවට මූල්‍ය ප්‍රදාන සිදු කර තිබේ.

එසේම ඖෂධ සහ අත්‍යාවශ්‍ය ද්‍රව්‍ය ලබා ගැනීමට ණයවර ලිපි නිකුත් කිරීමේ දී ශ්‍රී ලංකාවට සහාය වන ලෙස ජාත්‍යන්තර බැංකු වෙතින් ඉල්ලා සිටීමට කටයුතු කරන බව ද මෙම කණ්ඩායම පොරොන්දු වී තිබේ.

මේ අනුව ශ්‍රී ලංකාව මුහුණ දෙමින් සිටින බරපතල ආර්ථික හා සමාජීය අර්බුදයයන් සමනය කර ගැනීම වෙනුවෙන් අමරිකානු රාජ්‍යයේ මැදිහත් වීම සුබවාදී අපේක්ෂා දැල්විය හැකි තත්වයකි. විශේෂයෙන්ම රාජ්‍ය මුල්‍ය කලමණාකරනය සම්බන්ධයෙන් බරපතල විවේචන එල්ලවන මෙරටට රාජ්‍ය මුල්‍ය කලමණාකරන කටයුතු සදහා තාක්ෂණික සහාය ලබා දිමට මැදිහත් වීම එම ක්ෂේත්‍රයේ ඉදිරි පිම්මක් වනු ඇත. රාජ්‍යයේ වංචා, දුෂණ, අක්‍රමිකතා මෙන්ම නිසි සැලසුම් අනුව ක්‍රියාත්මක නොවීම අද රට මුහුණ දෙන අර්බුදයට ප්‍රබල හේතුවක්ව තිබේ.

ආදායම් වියදම් සිදු වුයේ කෙසේද යන්න ගැන කිසිවක් නොදන්නා ගනුදෙනු ගැන ද පසුගිය කාලයේ අසන්නට ලැබී තිබිණි. ණය කලමණාකරනය සම්බන්ධයෙන්ද විශාල දුර්වලතා ඇති බවට චෝදනා ඇත.

කෙසේ නමුත් මේ අඩුපාඩුකම් නිවැරදි කරගැනීමකින් තොරව මේ රටේ ආර්ථිකය යළි ගොඩනැංවිය නොහැක. මේ නිසා ඇමරිකානු රජයෙන් ලැබෙන මෙම සහය අතිශය වැදගත් එකකි.

- මහේෂි

Last modified on Monday, 27 June 2022 19:13

Leave a comment

Gossip

මං ගහන්නේ වෙන ගේමක් - රනිල්

මං ගහන්නේ වෙන ගේමක් - රනිල්

ඊයේ සවස ජනාධිපති රනිල් වික්‍රමසිංහ කොළඹ හුණුපිටිය ගංගාරාම විහාරස්ථානයට පැමිණ සිටියා.මෙම ගමන පෞද්ගලික...

මොකක්ද මේ අනුර ජවිපෙනුත් සඟවපු, රනිල් එක්ක තිබ්බ ඩීල් එක ?

මොකක්ද මේ අනුර ජවිපෙනුත් සඟවපු, රනිල් එක්ක තිබ්බ ඩීල් එක ?

අද පාර්ලිමේන්තුව් හමුවේ විශේෂ ප්‍රකාශක් සිදු කළ අගමැති රනිල් වික්‍රමසිංහ එහිදී ජවිපෙ නායකයා මාස 6න්...

චම්පිකගේ කරුමය

චම්පිකගේ කරුමය

රාජගිරියේදී වූ රිය අනතුරට අදාලව සමගි ජන බලවේගය පාර්ලිමේන්තු මන්ත්‍රී පාඨලී චම්පික රණවකට එරෙහිව පසුගි...

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි   

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි  

සිංහල කාන්තාවන් දහස් ගණනකට වඳ සැත්කම් කරන ලදැයි චෝදනා කරමින් දීර්ඝ කාලයක් අත් අඩංගුවේ රදවාගෙන සිට නි...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us