මින් ඉදිරියට අධිකරණයට අපහාස වන කිසිදු ප්‍රකාශයක් හෝ ක්‍රියාවක් සිදු නොකරන ලෙස වන කොන්දේසි සහිත සමාවක් ලබා දීමට ජනාධිපතිවරයා එහිදී කටයුතු කර ඇත.
රන්ජන් රාමනායක මහතාට නිදහස ලබාදීම සම්බන්ධයෙන් ඉදිරි කටයුතු සිදු කිරීමට අධිකරණ අමාත්‍යංශ ලේකම්වරයාට පැවරීමට ද කටයුතු කර තිබේ.
2017 අගෝස්තු 21 වන දා අරලිය ගහ මන්දිරයෙන් පිටත සිදුකළ ප්‍රකාශයට පළමු නඩුව ගොනු කරමින් 2021 ජනවාරි 12 වන දින ඔහුට ශ්‍රේෂ්ඨාධිකරණය විසින් වසර හතරක බරපතළ වැඩ සහිත සිර දඬුවමක් නියම කරනු ලැබ තිබිණි.
රන්ජන් රාමනායක මහතා දිවුරුම් ප්‍රකාශයක් යොමු කරමින් අධිකරණයට අපහාස කිරීම සම්බන්ධයෙන් සමාව අයදීම ඊයේ (අගෝ. 25) සිදු කළේ ය.
තමන් සිදු කළ ප්‍රකාශ සම්පූර්ණයෙන් වැරදි බව ත් එම ප්‍රකාශය නිසා අගවිනිසුරු ඇතුළු නීති ක්ෂේත්‍රයේ සියලු දෙනාට අගෞරවයක් ඇතිවීම සම්බන්ධයෙන් සමාව ඉල්ලා සිටින බව ත් එම දිවුරුම් ප්‍රකාශයේ සඳහන් කර ඇත.
තමා විසින් සිදු කරන ලද ප්‍රකාශ අසත්‍ය බවට ත් එම ප්‍රකාශ ඉල්ලා අස්කර ගන්නා බවටත් ඉදිරියේදී මෙවැනි ප්‍රකාශ සිදු නොකරන බවට ත් හිටපු රාජ්‍ය ඇමති රන්ජන් රාමනායක අධිකරණයට ලබා දුන් දිවුරුම් ප්‍රකාශයේ වැඩිදුරට ත් සඳහන් කර තිබේ.
