මන්ත්‍රීවරුන්ගේ උපන්දින හා විදේශ ගමන් බලපත්‍ර අංක පාර්ලිමේන්තුව මඟින් ලබාගෙන ඒ හරහා ඔවුන්ට ද්විත්ව පුරවැසිභාවය හිමිදැයි පරීක්ෂා කිරීමට ඔවුන් සූදානම් වේ. ද්විත්ව පුරවැසියභාවය හිමි මන්ත්‍රීවරුන් කව්දැයි සොයා බලන ලෙස රජයෙන් කළ ඉල්ලීමට පිළිතුරු ලෙසින් දෙපාර්තමේන්තුව මෙම වැඩපිළිවෙල ආරම්භ කර තිබේ.
මේ වන විට ද්විත්ව පුරවැසිභාවය හිමි මන්ත්‍රීවරුන් දහදෙනෙක් සිටිනා බවට තොරතුරු හෙළිදරව් වී ඇතත් ඔවුන් කව්දැයි තවමත් හඳුනා නැත.
අධිකරණ අමාත්‍ය විජයදාස රාජපක්ෂ මහතා සඳහන් කළේ 21 වැනි ව්‍යවස්ථා සංශෝධනයට අනුව ද්විත්ව පුරවැසිභාවය හිමි මන්ත්‍රීවරුන්ට පාර්ලිමේන්තුවේ සේවය කළ නොහැකි යැයි යම් කෙනෙකු ශ්‍රේෂ්ඨාධිකරණයට පැමිණිලි කළහොත් ශ්‍රේෂ්ඨාධිකරණ තීන්දුව මත එම මන්ත්‍රීවරුන් සම්බන්ධයෙන් තීරණ ගන්නා බවයි.
