තවද, ජාත්‍යන්තර සහ කලාපීය කටයුතු සම්බන්ධීකරණය ශක්තිමත් කිරීමට දෙපාර්ශවය එකඟ වී ඇත.

මේ අතර, බීජිං හි ශ්‍රී ලංකා තානාපති කාර්යාලය පැවසුවේ ශ්‍රී ලංකාව සහ චීනය අතර ශක්තිමත් හවුල්කාරිත්වය සහ සහයෝගීතාව තවදුරටත් තහවුරු කිරීමට නායකයින් දෙදෙනා ප්‍රතිඥා දුන් බවයි.

ජාත්‍යන්තර සහයෝගීතාව සඳහා වූ 'තීරය සහ මාර්ග සංසදය"ට සහභාගී වීමට ශ්‍රී ලංකා ජනාධිපතිවරයා ඔක්තෝබර් 16 වැනිදා බීජිං නුවරට පැමිණියේය. චීනයේ 'තීරය සහ මාර්ග මුලපිරීමේ' (BRI) 10 වැනි සංවත්සරය සනිටුහන් කිරීම සඳහා චීන රජය විසින් සංවිධානය කරන ලද රැස්වීම සඳහා නැගී එන වෙළඳපල රටවල නායකයින් ව්ශාල ප්‍රමාණයක් බීජිං වෙත පැමිණ තිබිණි

ජාත්‍යන්තර සහයෝගීතාවයේ සුවිශේෂී සන්ධිස්ථානයක් සනිටුහන් කරමින් ෂී ජින්පින්ග් ජනාධිපතිවරයාගේ ප්‍රධානත්වයෙන් ජාත්‍යන්තර සහයෝගීතාව සඳහා වන තීරය සහ මාර්ග සංසදයයේ තෙවන සමුළුව බදාදා (ඔක්. 18) ආරම්භ විය. සමුළුව අතරතුර, ගෝලීය හවුල්කාරිත්වයන් පෝෂණය කිරීම සඳහා එහි කැපවීම පිළිබිඹු කරමින් BRI සමඟ සමපාත වූ පුළුල් ප්‍රතිපත්ති මාලාවක් ජනාධිපති ෂී විසින් එළිදක්වන ලදී.

-P.M