ඊට හේතුව ලෙස විශේෂඥ වෛද්‍යවරුන් පෙන්වා දෙන්නේ දරුවන්ගේ ආහාර පරිභෝජන රටාව ඊට හේතු වී ඇති බවයි . පසුගිය වසරට සාපේක්ෂව දරුවන්ගේ කෘෂභාවය සහ අධිබර වැඩිවීම දක්නට ඇති බව සෞඛ්‍ය ප්‍රවර්ධන කාර්යාංශය අනාවරණය කර සිටියි.
කෙසේවෙතත් මාතෘ හා ළමා සෞඛ්‍ය අංශයේ අධ්‍යක්ෂ ප්‍රජා වෛද්‍ය විශේෂඥ චිත්‍රමාලී ද සිල්වා පැවසුවේ, ප්‍රජනන සෞඛ්‍ය සම්බන්ධයෙන් වැඩි දැනුමක් දරුවන්ට ලබාදීම සඳහා නව චක්‍රලේඛ සකස්කර ඇති බවයි.
එමෙන්ම දරුවන් ආහාරයට ගන්නා ක්ෂණික ආහාර මෙයට ඉවහල්වන බැවින්, මේ සදහා පාසල් ගුරුවරුන් මෙන්ම දෙමාපියන්ගේ සැලකිල්ල අත්‍යවශ්‍ය බවත් වෛද්‍යවරිය විසින් පෙන්වා දුන්නාය. එමෙන්ම මෙහි දී පාසල් දරුවන් ගේ ප්‍රජනන සෞඛ්‍ය සම්බන්ධයෙන් ද වැඩි අවධානයක් යොමු කල යුතු අතර දරුවන්ගේ පෝෂණය නගා සිටුවීම වෙනුවෙන් ක්‍රියාත්මක විය යුතු බවත් ඇය සදහන් කර තිබේ.
-RS
