වර්ජනය හේතුවෙන් ලිපි ඇතුළු තැපැල් භාණ්ඩ ලක්ෂ 10 ක් පමණ ගොඩ ගැසී ඇති බව ඒකාබද්ධ තැපැල් වෘත්තිය සමිති එකමුතුවේ කැඳවුම්කරු චින්තක බණ්ඩාර සඳහන් කරමින් කියා සිටියේ ඒවා කඩිනමින් බෙදා හැරීමට කටයුතු කරන බවයි.
තැපෑල අත්‍යවශ්‍ය සේවාවක් බවට පත් කර නිවාඩු අවලංගු කර තිබියදී තැපැල් සේවකයින් සැලසුම් කළ වැඩ වර්ජනය එලෙසම ක්‍රියාත්මක කිරීම සම්බන්ධයෙන් ගන්නා ක්‍රියාමාර්ග පිළිබඳව තැපැල්පතිවරයාගෙන් මාධ්‍ය විසින් විමසීමක් කිරීමේදී ඔහු පවසා ඇත්තේ විෂය භාර අමාත්‍යවරයා හා ලේකම්වරයා සමග සාකච්ඡා කර ඒ සම්බන්ධයෙන් පියවර ගන්නා බවත් කෙසේ වෙතත් නුවර එළිය තැපැල් කාර්යාලය නාගරික සංවර්ධන අධිකාරිය යටතට පත් කර ඵලදායී අයෝජනයකට යොදා ගැනීමේ තීරණයේ වෙනසක් නොමැති බවත්ය .
-P.M
