මේ සම්බන්ධයෙන් අදහස් දැක්වු අමාත්‍යවරයා පවසා සිටියේ ලංකා ගමනාගමන මණ්ඩලය ලාභ ලබන ආයතනයක් නොවුනහොත්, එය ද පෞද්ගලීකරණය කිරීමට සිදුවනු ඇති බවය.

එම අවදානම මග හරවා ගැනීමට නම් අනිවාර්‍යෙන්ම මණ්ඩලයේ වෙනස්කම් සිදුකළ යුතු බවත් අමාත්‍යවරයා පැවසීය.

ඒ අනුව, එළඹෙන වසර තුළ ලංකා ගමනාගමන මණ්ඩලයේ ඩිජිටල් ව්‍යාපෘති රැසක් ක්‍රියාත්මක කිරීමට සැලසුම් කර ඇති බවත්, ලංකා ගමනාගමන මණ්ඩලයේ වංචා දූෂණ පිළිබඳ විමර්ෂණය සඳහා විශේෂ ඒකකයක් බස්නාහිර පළාත භාරව කටයුතු කළ පොලිස් විශේෂ කාර්ය බලකායේ හිටපු අධ්‍යක්ෂවරයාගේ ප්‍රධානත්වයෙන් ස්ථාපිත කර ඇති බව ද ප්‍රවාහන අමාත්‍යවරයා පැවසීය.