දෙමාපියන්ගේ අවශ්‍යතාවය සහ අපේක්ෂාව වන්නේ පාසලේ දී ඉගැන්වීමට අදාළ කරුණු පෙර පාසල තුළ ඉගැන්වීම වුව ද පෙර පාසල් තුළ ප්‍රමුඛත්වය ලබා දිය යුත්තේ එම පාසල් අධ්‍යාපනය නොවන බව වෛද්‍යවරිය පැවසීය.
විය යුත්තේ පාසලේ ඉගැන්වීම් පරිසරයට දරුවා පූර්ව ලෙස සූදානම් කරවීමත් නිර්මාණශීලි ක්‍රියාකාරකම් බෙදා ගැනීම මෙන්ම අනෙකා සමග සාමුහිකව ජීවත් වීම, සහකම්පනය දරුවා තුළ වැඩෙන ආකාරයට දරුවා සමග කටයුතු කිරීම ඇතුළු දරුවාගේ මනස ගැන විශේෂයෙන් අවබෝධ කර ගනිමින් කරන ක්‍රියාකාරකම් ගැන ප්‍රමාණවත් අවබෝධයක් සහිතව පමණක් පෙර පාසැල් පවත්වාගෙන යාම අනිවාර්යයෙන් කල යුතු බව වෛද්‍ය දර්ශනී වැඩිදුරටත් පැවසීය.
කෙසේ වෙතත් වෛද්‍යරවරිය පවසා සිටියේ ශ්‍රී ලංකාවේ පවත්වාගෙන යන පෞද්ගලික පෙරපාසල් පිළිබද දැඩිව සමීපව නියාමනය සහ අධීක්ෂණය කල යුතු බවය.
එමෙන්ම දරුවාගේ මනස ක්‍රියාත්මක වන ආකාරය සම්බන්ධ ක්‍රමානුකූල නිසි පුහුණුවක් ආයතන පවත්වන්නන් සතු තිබීමේ වැදගත්කම ද එහි දී අවධාරණය විය.
