නියෝජ්‍ය කථානායක අජිත් රාජපක්ෂ සඳහන් කළේ, පෙරවරු 10.30 ට ජනාධිපතිවරයා ආණ්ඩුවේ ප්‍රතිපත්ති ප්‍රකාශය ඉදිරිපත් කිරීමට නියමිත බවයි.

පසුගිය ජනවාරි මස 26 වන දින මධ්‍යම රාත්‍රියේ සිට ක්‍රියාත්මක වන පරිදි ජනාධිපතිවරයා පාර්ලිමේන්තුව වාර අවසාන කළේ ය.

මේ අතර අද පැවැත්වෙන පාර්ලිමේන්තු සභාවාරයට දැනට රක්ෂිත බන්ධනාගාර ගත කර සිටින හිටපු අමාත්‍ය කෙහෙළිය රඹුක්වැල්ලට සහභාගි වීමට කථානායකවරයා අවසර ලබාදී තිබේ.

ඒ, කෙහෙළිය රඹුක්වැල්ල කළ ඉල්ලීමක් සලකා බලමිනි.

කෙසේවෙතත් පාර්ලිමේන්තු සැසිවාරයට සහභාගීවීම කෙහෙළිය රඹුක්වැල්ල විසින් ප්‍රතික්ෂේප කර ඇති බව වාර්තා වෙයි.

බන්ධනාගාර මාධ්‍ය ප්‍රකාශකවරයා සඳහන් කරන්නේ පාර්ලිමේන්තු සැසිවාරයට සහභාගීවීම සඳහා කෙහෙළිය රඹුක්වැල්ලට අවසර ලබාදුන්නද ඔහු විසින් එලෙස සහභාගීවීම ප්‍රතික්ෂේප කර ඇති බවය.

-P.M