කලක් රෝගාතුරව සිටි ඒ මහතා පෙරේදා අභාවප්‍රාප්ත වන විට අසූ තුන් වැනි වියේ පසුවිය. දේහය දැනට කටුගම්පල මාහොලව නිවසේ තැන්පත් කර තිබෙනවා.
1941 වසරේ උපත ලැබූ ගාමිණි ජයවික්‍රම පෙරේරා මහතා කොළඹ නාලන්දා විද්‍යාලයෙන් අධ්‍යාපනය හැදෑරු අතර එම විද්‍යාලයීය ක්‍රිකට් කණ්ඩායමට නායකත්වය ද දැරූ දක්ෂ ක්‍රීඩකයෙකු ද වනවා.
ඔහු එක්සත් ජාතික පක්ෂයෙන් බිහිවු ප්‍රධාන පෙළේ දේශපාලන නායකයෙකු වන අතර එම පක්ෂයේ සභාපති ධුරය ද හොබවනු ලැබුවා.
2001 වසරේ සිට 2003 වසර දක්වා වාරිමාර්ග හා ජල කළමනාකරණ අමාත්‍යවරයා ලෙස ද 2015 වසරේ දී ආහාර සුරක්ෂිතතා අමාත්‍යවරයා ලෙස ද කටයුතු කළ ගාමිණි ජයවික්‍රම පෙරේරා මහතා තිරසාර සංවර්ධන හා වනජීවි අමාත්‍යවරයා ලෙසත් බුද්ධශාසන අමාත්‍යවරයා ලෙසත් කටයුතු කරමින් මහජන සුබසිද්ධිය වෙනුවෙන් විශාල වැඩකොටසක් ඉටුකළ දේශපාලඥයෙකු වනවා.
-P.M
