මෙම පර්යේෂණය සම්බන්ධයෙන් අසත්‍ය තොරතුරු හා දත්ත ලබා දී වෙනත් අයකුගේ පර්යේෂණ දත්ත සොරාගෙන ඇතැයි විමර්ශනයකින් හෙළි වීම ඊට හේතුව වශයෙන් දක්වා තිබේ.
ඒ අනුව අසත්‍ය තොරතුරු ඇතුලත් කර විද්‍යාත්මක විෂමාචාරයක් කර ඇතැයිද නේචර් සඟරාව වාර්තා කර ඇත. අදාල පර්යේෂණය ගැන විමර්ශනය කිරීමට පත්කළ විද්‍යාඥයන් කණ්ඩායමේ විමර්ශන වාර්තාවක් උපුටමින් නේචර් සඟරාව මෙම වාර්තාව පල කර තිබේ.
කෙසේ නමුත් මේ සම්බන්ධයෙන් රංග ඩයස් මහතා දන්වා සිටින්නේ,
ඔහු හෝ හෝ ඔහුගේ කණ්ඩායමේ කිසිදු සාමාජිකයෙකු දත්ත සොරාගැනීමක් හෝ ප්‍රබන්ධ කිරීම ඇතුළුව කිසිදු ආකාරයක පර්යේෂණ විෂමාචාරයක නිරත වී නැති බවය. මෙම චෝදනාව මුළු මනින්ම අසත්‍ය බවත්ය. ඒ බව ඔහු මේ සම්බන්ධයෙන් නිකුත් කළ ලිපියක සඳහන් වේ.
මෙම ගැටළුව ආරම්භ වුයේ තමන්ගේ "කාබනේසියස් සල්ෆර් හයිඩ්‍රයිඩ් හි කාමර උෂ්ණත්වයේ සුපිරි සන්නායකතාවය" පිළිබඳ පර්යේෂණ 2020 පත්‍රිකාවට 2021 දී කැලිෆෝනියා සැන් ඩියාගෝ විශ්ව විද්‍යාලයේ ආචාර්ය ජෝර්ජ් හර්ෂ් ගේ ප්‍රහාරයට ලක් වීමෙන් බවත් එය විද්‍යාත්මක විමර්ශනයක් සහ විවාදයක් ලෙස ආරම්භ වූ නමුත් ඉක්මනින්ම තම කණ්ඩායමට එය දැඩි හිරිහැරයක් බවට පත් වූ බවත්ය. පසුව එය තර්ජනාත්මක ප්‍රහාරයක් වූ බවත්ය.
එමෙන්ම මේ සම්බන්ධයෙන් කළ විමර්ශනයන් නියමිත ක්‍රමවේදයන් අනුව නොවුණු බවත් තමන්ට ඒ සඳහා කරුණු දැක්වීමේ අවස්ථාව අහිමි කළ බවත් පෙන්වා දෙයි.
තම කණ්ඩායම දත්ත සොරාගැනීමක් හෝ ගොතන ලද බවට කිසිදු සාක්ෂියක් ඉදිරිපත් කර නොමැති අතර තමන් එසේ නොකළ බැවින් සාක්ෂි කිසිවක් ඉදිරිපත් නොවනු ඇතැයිද ඔහු පවසයි.
එමෙන්ම මෙම සඟරාවේ වාර්තාකරුවන්, සමාලෝචකයින්, පශ්චාත්-ප්‍රකාශන සමාලෝචකයින් සහ මගේ විවේචකයන්ට තම පර්යේෂණයේ ප්‍රතිඵල බැලීමට සහ ඒ ගැන කතා කිරීමට මගේ විද්‍යාගාරයට ආරාධනා කර ඇති, නමුත් එය භාරගෙන ඇත්තේ එක් අයෙක් පමණක් බවත් ඔහු සඳහන් කරයි.
ඔහු නිකුත් කළ ලිපිය.
