එය ඔප්පු කළහොත් තමන් පළාත් සභා මහඇමති අපේක්ෂක ධුරයෙන් ඉල්ලා අස්වීමට සූදානම් බව කොළඹ අද (01) පැවැති මාධ්‍ය හමුවකදී ඔහු කියා සිටියේය.
තමන් පසුගිය දිනක ඌව පරණගම ප‍්‍රදේශයේ මැතිවරණ ප‍්‍රචාරක කටයුත්තක් සඳහා ගිය අවස්ථාවකදී පාර්ලිමේන්තු මන්ත්රී නාමල් රාජපක්ෂ හමුවීම පිළිබඳව සති අන්ත පුවත්පතක් සහ වෙබ් අඩවි කිහිපයක් විවිධ අදහස් පළ කර ඇති බව පැවසු හරීන් ප‍්‍රනාන්දු මහතා, තමන් පක්ෂ මාරු කරන දේශපාලනයක කිසිදා නොයෙදෙන බව අවධාරණය කර සිටියේය.
මඩ පත්තර මුදලාලි කෙනෙකු, තමා හා නාමල් රාජපක්ෂ මන්ත්‍රීවරයා ''මචං තේ එකක් බොමු කියා පාරේදී හමුවීම'' වවාගෙන කන දෙයක් බවට පත්කරගෙන තිබෙන බවත් මේ මුදලාලි වීදුරුගෙවල්වල සිට ගල් ගසන බවත් හරීන් ප‍්‍රනාන්දු මහතා එහිදී පැවසිය.
සියයට සියක් විශ්වාසයි :
එම මාධ්‍ය හමුවට එක්සත් ජාතික පක්ෂ නායකත්ව මණ්ඩල සභාපති කරූ ජයසූරිය මහතාද එක්ව සිටියේය. ඔහු කියාසිටියේ හරීන් ප‍්‍රනාන්දු මහතා සහ නාමල් රාජපක්ෂ මහතා අතර සිදුවු පෞද්ගලික හමුව පක්‍ෂයට ගැටලූවක් නොවන බවයි.
'' මේ ප‍්‍රශ්නය එක්සත් ජාතික පක්ෂයේ අපි ප‍්‍රශ්නයක් ලෙස දකින්නේ නැහැ. තරුණ මන්තී‍්‍රවරු දෙදෙනෙක් හමු වුණා. එක්සත් ජාතික පක්ෂයේ ජාතික නායකත්වයටවත්, නායකත්ව මණ්ඩලයටවත්, කෘත්‍යාධිකාරී මණ්ඩලයටවත් මෙය ප‍්‍රශ්නයක් නෙවෙයි. අපි එය හිනාවෙල බලපු දෙයක්. මොහු ගැන අපිට සියයට සියයක විශ්වාසයක් තිබෙනවා. තරුණ මන්තී‍්‍රවරයෙක් වශයෙන් ස්වේච්ඡුාවෙන් මොහු ඉදිරිපත් වුණේ. එය අපි අගය කරනවා. අපිට කිසිම සැකයක් නැහැ. '' යයි ජයසුරිය මහතා වැඩිදුරටත් පැවසිය.
