මිය යන විට 92 වැනි වියේ පසුවූ ඔහු සුළු අසනීප තත්ත්වයක් හේතුවෙන් කොළඹ පුද්ගලික රෝහලක ප්‍රතිකාර ලබමින් සිටියදී අද දහවල් 3.15ට පමණ ජීවිතක්ෂයට පත්වූ බව වෘත්තීය සමිති ව්‍යාපාරයේ ප්‍රකාශකයෙකු පැවසීය.

අවසන් කටයුතු ලබන සිකුරාදා (06) බොරැල්ල සුසාන භූමියේදී සිදුකිරීමට කටයුතු යොදා ඇත.

බාලා තම්පෝ මහතා වයස අවුරුදු විසි හයේදී පමණ වෙළෙද සේවක සංගමයේ නායකත්වයට පත්වන අතර මැතකදී ඔහු සිය අනූ දෙවන ජන්ම දිනයද සමරනු ලැබීය.

එම අවස්ථාවට ජනපති මහින්ද රාජපක්ෂ මහතා ද පැමිණියේය.

ඒ අනුව ඔහු වෙළෙද සේවක සංගමයේ නායකත්වයට පත්ව අද වන විට වසර හැට හයක පමණ කාලයක් ගතව තිබේ.

වෘත්තීය සමිතියක නායකත්වය මේ තරම් කාලයක් දැරූ ලොව සිටින එකම පුද්ගලයා ලෙස බාලතම්පෝ මහතා සැලකීම මේ නිසා වරදක් නොවේ.

බාලා තම්පො මහතා අවුරුදු 55 පමණ සිට ඔහුගෙන් පසු අනුප්‍රාප්ති‍කයෙකු පත්කර ගැනීමට උත්සාහ කළත් අනුප්‍රාප්තිකයා මියයාම හෝ ඉවත්ව යාම නිසා එම උත්සාහය ද අසාර්ථක විය.