එම සහල් තොගය අඩු ආදායම්ලාභී පවුල් සඳහා රජය මගින් බෙදාදීමට සැලසුම්කර තිබූ බව හෙළිවී ඇත.
පාරිභෝගික කටයුතු අධිකාරියේ අනුරාධපුර ඒකකයේ නිලධාරීන්ට ලද තොරතුරකට අනුව ඊයේ (12) දහවල් මෙම වැටලීම සිදුකර තිබුණි.
සහල් කිලෝග්‍රෑම් එක්ලක්ෂ හැත්තෑදහසකට අධික තොගයක් ලොරි රථ 08ක් මගින් කිරිඉබ්බෑව ප්‍රෙද්ශයේ පිහිටි පෞද්ගලික සහල් මෝලක් වෙත රැගෙන ගොස් නැවත ඇසුරුම්කරමින් සිටියදී මෙම වැටලීම සිදුකර ඇත.
එම සහල් අසුරා තිබූ ඇසුරුම්වල සටහන්ව තිබූ දිනය පසුගිය 30වනදා වනවිට අවසන්ව තිබූ අතර මිනිස් පරිභෝජනයට නුසුදුසු එම සහල් යන්ත්‍රානුසාරයෙන් පිරිසිදු කර කල් ඉකුත්වීමේ දිනය ඉදිරි දින 30ක් සඳහා වලංගුවන පරිදි නැවත සකස්කර තිබුණි.
සහල් තොගය රජය මගින් අඩු ආදායම්ලාභී පවුල් සඳහා නොමිලයේ සහල් බෙදාදීමේ වැඩසටහනට යොදාගැනීමට සැළසුම්කර තිබූ බව මූලික පරීක්ෂණ වලදී අනාවරණ වී ඇත.
පාරිභෝගික අධිකාරිය භාරයට ගත් සහල් තොගය සීල් තබා ඇති අතර සහල් මෝලෙහි හිමිකරුද පොලීසිය විසින් අත්අඩංගුවට ගෙන තිබේ.
-P.M
