රබර් වගාව මින් ඉදිරියට සාම්ප්‍රදායික නොවන ප්‍රදේශවලට ව්‍යාප්ත කිරීමට කෘෂිකර්ම හා වැවිලි කර්මාන්ත අමාත්‍යාංශය ගත් තීරණයට අනුව මෙම පියවර ගෙන තිබේ.
ඒ ඒ ප්‍රදේශ වලට ඔරොත්තු දිය හැකි වගාවට සුදුසු මෙන්ම වැඩි කිරි අස්වැන්නක් ලබා ගත හැකි නව රබර් ප්‍රභේද හඳුනා ගැනීමේ පර්යේෂණාත්මක වැඩ පිළිවෙළක් රබර් පර්යේෂණ ආයතනය විසින් ආරම්භ කර ඇත.
මේ වන විට නව ක්ලෝන 14ක පරීක්ෂණ කටයුතු අවසන් කර ඇති අතර තවත් ක්ලෝන 22ක පර්යේෂණ සිදු කෙරෙමින් පවතින බව රබර් පර්යේෂණායතනය කියයි. අවසානයේ දී අන්තර්වාර නිර්දේශ යටතේ ක්ලෝන 10ක් නිර්දේශයට ඉදිරිපත් කිරීමට නියමිතය. මෙතෙක් කළුතර වැනි සම්ප්‍රදායික රබර් වගා කළ ප්‍රදේශ වලින් බැහැරව බදුල්ල, මොණරාගල හා අම්පාර වැනි වියලි දේශගුණයක් සහිත ප්‍රදේශ වලට රබර් වගාව ව්‍යාප්ත කිරීමට සැලසුම් කර ඇත. ඒ අනුව මෙම වසරේ හෙක්ටයාර් 115ක අලුතින් රබර් වගා කරන බවද රබර් පර්යේෂණායතනය කියයි.
- ලංකාදීප
