නොවැම්බර් මාසයේ සිට ඇද හැලුණු වැසි හේතුවෙන් කුඹුරු අක්කර 75,000 කට පමණ හානිවී තිබෙන බවද ඔහු කීවේය.

වන්දි ගෙවීමට අවශ්‍ය මුදල් මේ වනවිට මණ්ඩලයට ලැබී ඇතැයිද ඔහු පැවසීය.

එමෙන්ම ඉකුත් යල කන්නයේ ගංවතුර, නියඟ සහ වල් අලි උවදුරු හේතුවෙන් සිදුවූ වගා හානි සඳහා වන්දි මුදල් ලබන ජනවාරි මස 05 වැනිදා වනවිට ගෙවා අවසන් කිරීමට කෘෂිකාර්මික හා ගොවිජන රක්ෂණ මණ්ඩලය කටයුතු යොදා තිබේ. මේ වන විට එම ගොවීන්ගෙන් සියයට 80 කට පමණ රුපියල් මිලියන 80 ක වන්දි මුදලක් ගෙවා තිබෙන බවද සභාපතිවරයා කීවේය.

යල කන්නයේ වගා හානි වූ ගොවීන් 5,500 කට වන්දි මුදල් ලබා ගැනීමට සුදුසුකම් ලබා සිටි බවද ඔහු පැවසුවේය.