මේ සම්බන්ධයෙන් වන මුලික ගිවිසුම් පසුගිය ආණ්ඩු සමයේ දී අත්සන් කරන ලද අතර ඒ අනුව මෙම ව්‍යාපෘතිය ඉදිරියට ගෙන යෑමට වත්මන් ආණ්ඩුව ද කැමැත්ත පළ කර තිබිණි. නමුත් මේ වන විට සිනොපෙක් සමාගම මෙරට වැඩි වෙළඳපොළ ප්‍රවේශයක් ඉල්ලා තිබීම මත ඇතිව තිබෙන ගැටලුව හේතුවෙන් ව්‍යාපෘතිය ඉදිරියට ගෙන යාම ගැටළුකාරීව තිබේ.

මේ පිළිබඳව ආයෝජන මණ්ඩලයේ (BOI) සභාපති අර්ජුන හේරත් මහතා පවසන්නේ, දෙපාර්ශ්වයම එකඟතාවයකට පැමිණීමට කැපවී සිටින බවත්, ඉක්මනින් තීරණයකට එළඹෙනු ඇතැයි විශ්වාස තබා සිටින බවයි.

මේ අතර මේ වසරේ සැප්තැම්බර් 15 වන දින වන විට ශ්‍රී ලංකාවට විදේශ සෘජු ආයෝජන (FDI) ගලා ඒම ඩොලර් මිලියන 783 ක් වූ බව ආයෝජන මණ්ඩලයේ සභාපතිවරයා පවසයි.

එමෙන්ම 2025 සඳහා ඩොලර් බිලියන 1 ක FDI සීමාව ඉක්මවා යාමට අපේකෂා කරන බවද පෙන්වා දෙයි.

2022 දී ශ්‍රී ලංකාව අවසන් වරට ඩොලර් බිලියනයක FDI ලබා ගෙන තිබිණි.
ඉතිහාසයේ වැඩිම FDI ප්‍රමාණයක් 2018 දී අත්පත් කරගෙන තිබු අතර එය ඩොලර් බිලියන 2ක් ඉක්මවා තිබිණි.

කෙසේ නමුත් 2022 ආර්ථික අර්බුදයෙන් පසු ශ්‍රී ලංකාව මේ වන විට බොහෝ දුරක් පැමිණ ඇති නිසා ආයෝජකයින්ගේ රුචිය වැඩි වෙමින් පවතින බවත් හේරත් මහතා පවසයි..

dailymirror ඇසුරෙණි.