2019 සිසු හෙද කණ්ඩායම ඔක්තෝබර් මාසයේ පත්වීම් ලබන බව ද ඇමැතිවරයා සදහන් කළා.
ජාතික ජන බලවේගයේ යාපනය දිස්ත්‍රික් මන්ත්‍රී රජීවන් ජෙයචන්ද්‍රමූර්ති වාචිකව ඇසූ ප්‍රශ්නයට පිළිතුරු දෙමින් ඇමැතිවරයා මේ බව කියා සිටියා.
යාපනයේ “බී“ වර්ගයේ රෝහල් 5 කුත්, කිලිනොච්චියේ බී වර්ගයේ රෝහල් 1 කුත් තිබෙන අතර සී වර්ගයේ රෝහල් යාපනයේ 18 කුත් කිලිනොච්චියේ 6 කුත් ස්ථාපිත බව ද ඇමැතිවරයා විසින් පෙන්වු
යාපනය හා කිලිනොච්චි දිස්ත්‍රික්කයන්හි ප්‍රාදේශීය රෝහල් 30 ක් ස්ථාපිත බව ද ඇමැතිවරයා විසින් පෙන්වා දෙනු ලැබුවා.
පශ්චාත් සීමාවාසික වෛද්‍ය නිලධාරීන් 1374 ක් සඳහා සැප්තැම්බර් 15 වැනිදා රාජකාරියට වාර්තා කිරීමට හැකි වන පරිදි පත්වීම් ලබාදීම සිදු කර ඇති අතර එම නිලධාරීන්ගෙන් පිරිසක් යාපනය හා කිලිනොච්චිය රෝහල්වලට අනුයුක්ත කර ඇතැයි ද ඇමැතිවරයා පැවසුවා.
රේඛීය අමාත්‍යාංශයට අයත් රෝහල් ඇතුළු සෞඛ්‍ය ආයතනවලට අවශ්‍ය සෞඛ්‍ය සේවක පුරප්පාඩු පිරවීමෙන් පසුව ආණ්ඩුකාරවරුන් සමඟ සාකච්ඡා කර පළාත් සෞඛ්‍ය ආයතනවලට අවශ්‍ය සේවක පිරිස බඳවා ගැනීමට පියවර ගන්නා බව ද ඇමැතිවරයා වැඩිදුරටත් ප්‍රකාශ කළා.
