ශ්‍රී ලංකා රජය විසින් හඳුන්වා දුන් තනි පුද්ගල ආයෝ­ජන කට­යුතු සඳහා එක්වන විදේ­ශි­ක­යන්ට වාස වීසා ලබා දෙනු ඇත.

ඒ අනුව වාස වීසා (Residence Visa) ලබා­දීමේ ක්‍රමය යටතේ ලියා­ප­දිංචි වූ පළමු විදේ­ශි­කයා බවට ජර්මානු ජාතික ආචාර්ය පායි ඩ්‍රෙශල් මහතා පත්ව තිබේ. ඊට අදාළ වාස වීසා අව­ස­රය මහ­ජන ආර­ක්ෂක හා පාර්ලි­මේන්තු කට­යුතු ඇමැති ආනන්ද විජේ­පාල මහතා අතින් ඩ්‍රෙශල් මහතා වෙත පෙරේදා (01) ප්‍රදා­නය කළේය.

ශ්‍රී ලංකා ජන­ර­ජයේ අංක 2360/24 හා 2023.11.27 දිනැති අති­වි­ශේෂ ගැසට් පත්‍රයේ පළ­කර ඇති සංශෝ­ධිත ආග­මික හා විගා­මික නියෝග යටතේ අනු­මත තනි පුද්ගල ආයෝ­ජක කාණ්ඩ­යට අදා­ළව මෙම වීසා ලබාදී ඇත. මෙම වාස වීසා විශේෂ කාර්ය­යන් සඳහා පදිංචි වීමේ පහ­සු­කම් ලබා­ගැ­නී­මට ශ්‍රී ලාංකික නොවන අය­කුට ලබා­දෙන අව­සර පත්‍ර­යක් බව මහ­ජන ආර­ක්ෂක හා පාර්ලි­මේන්තු කට­යුතු අමා­ත්‍යාං­ශය පව­සයි.

තනි පුද්ගල ආයෝ­ජක කාණ්ඩයේ වාස වීසා සඳහා විදේ­ශි­ක­යන් අය­දුම් කිරී­මේදී, අමෙ­රි­කානු ඩොලර් 100,000 හෝ ඊට සමාන විදේ­ශීය මුද­ලක් සඳහා වසර 05ක වාස වීසා­වක් ලබා­දෙන අතර ඊට අම­ත­රව අමෙ­රි­කානු ඩොලර් 200,000 හෝ ඊට සමාන විදේ­ශීය මුද­ලක් සඳහා වසර 10ක වාස වීසා­වක් ලබා­දීම සිදු කරන බව ද එම අමා­ත්‍යාං­ශය කියයි.

අදාළ ආයෝ­ජ­කයා විසින් ශ්‍රී ලංකාවේ ඕනෑම බල­ප­ත්‍ර­ලාභී වාණිජ බැංකු­වක, වීසා වැඩ­ස­ට­හන් විදේශ ගිණු­මක් (Visa Programme Foreign Currency Account- VPFCA) විවෘත කර ඉහ­තින් සඳ­හන් කළ මුදල තැන්පත් කිරීම මගින් මෙම වාස වීසාව ලබා­ගැ­නීම සඳහා අයැ­දුම් කිරීමේ හැකි­යාව ඇත.

විදේ­ශි­ක­යන්ට ශ්‍රී ලංකාව තුළ ආයෝ­ජන කිරී­මට අවශ්‍ය පහ­සු­කම් සැල­සී­මට හැකි වන අයු­රින් මෙම තනි පුද්ගල ආයෝ­ජන කාණ්ඩ­යට අදාළ වාස වීසා ලබා­දී­මෙන් මෙරට තුළ විදේ­ශීය ආයෝ­ජන ප්‍රව­ර්ධ­නය කිරී­මට අපේක්ෂා කරන බව ද මහ­ජන ආර­ක්ෂක හා පාර්ලි­මේන්තු කට­යුතු අමා­ත්‍යාං­ශය කියයි.