ජාඇළ දඩුගම කේන්ද්‍ර කරගනිමින් දිවයින ප්‍රරා සත්ව ප්‍රවාකයන් ක්‍රියාත්මක වන අතර රට පුරා ඇති පශූ සම්පත් ගොවිපලවල ඌරන්, කුකුළන් හා බිත්තර ඔවුන් විසින් ප්‍රවාහනය කරනු ලබයි. සතුන් ප්‍රවාහනයේදී ඇති ගැටලු මෙන්ම සතුන් නිෂ්පාදනයේදී පශූ ගොවීන් මුහුන දෙන ගැටළු ගැන මෙහිදී අදහස් හුවමාරු විය. පසුගිය කාලයේ රටපුරා සූකර ගොවිපළ වල පැතිර ගිය අප්‍රිකානු සූකර උණ රෝගය සම්පුර්ණයෙන් තවමත් පාලනය නොවීම, බිත්තර කුකුල් මස් හා ඌරුමස් මිළ නිරනිතරයෙන් වෙළෙඳ පොළ තුළ අසාමාන්‍ය ලෙස උච්චාවචනය වීම පාලනය කිරීම ගැන ද මෙම සාකච්ඡාවේදී අවධානයට ලක් කෙරුනි. මෙහිදී ශ්‍රීලංකා සත්ව නිෂ්පාදන හා සෞඛ්ය දෙපාර්තමේන්තුවේ අධ්‍යක්ෂ ජනරාල්වරයා ප්‍රකාශ කර සිටියේ මේ සදහා ක්‍රියාත්මක වන අනෙකුත් රාජ්‍ය ආයතන හා සාකච්ඡා කරමින් මේ සදහා කඩිනමින් විසදුම් ලබා දීමට ක්‍රියාත්මක වන බවයි. මෙම සාකච්ඡාව සදහා සමස්ථ ලංකා සත්ව නිෂ්පාදන ප්‍රවාහන ගොවි සංවිධානයේ සභාපති කුලරාජා පෙරේරා‍ෙ ඇතුළු නිලධාරීහු එක්ව සිටියහ.