එක්සත් ජාතික පක්ෂය සමගි ජන බල­වේ­ගය සමඟ සිදු කරන සාකච්ඡා ශක්ති­මත්ව සිදු­වෙන බවත් හෙතෙම කීවේය. සමගි ජන බල­වේග ප්‍රධාන කාර්යා­ල­යේදී පසු­ගිය 24දා පැවැති මාධ්‍ය හමු­වට සහ­භාගි වෙමින් මහ­ලේ­කම් රංජිත් මද්දු­ම­බ­ණ්ඩාර මහතා මේ බව ප්‍රකාශ කළේය.

වැඩි­දු­ර­ටත් අද­හස් දැක්වූ ඒ මහතා මෙසේ ද පැවැ­සීය,

“සමගි ජන බල­වේ­ගයේ ප්‍රති­සං­වි­ධාන කට­යුතු ආරම්භ කරන්න කට­යුතු කර තිබෙ­නවා. සමගි ජන බල­වේ­ග­යට අලුත් සංවි­ධා­ය­ක­වරු පත් කරන්න කට­යුතු කරනු ලැබුවා. සංවි­ධා­යක ධුර­ව­ලට තරු­ණ­යන්ට අව­ස්ථාව දෙන්න සමගි ජන බල­වේ­ගය කට­යුතු කර තිබෙ­නවා. ඒ වගේම ගම් මට්ට­මින් පක්ෂය ශක්ති­මත් කරන ආකා­රය පිළි­බ­ඳව සංවි­ධා­ය­ක­ව­රුන් දැනු­ම්වත් කර­න්නත් කට­යුතු කරනු ලැබුවා.

ඒ වගේම සමගි ජන බල­වේ­ගය ඉදි­රියේ පැමි­ණෙන ඕනෑම මැති­ව­ර­ණ­යට සූදා­නම්. ගම් මට්ටමේ ශක්ති­මත්ම සංවි­ධාන ශක්තිය තිබෙන ප්‍රධාන පක්ෂය වන්නේ සමගි ජන බල­වේ­ග­යයි. ඒ වගේම කෙඳිරි ගාන්නේ නැතිව පළාත් සභා මැති­ව­ර­ණය වහාම පව­ත්ව­න්නැයි සමගි ජන බල­වේ­ගය ආණ්ඩු­වෙන් ඉල්ලා සිටි­නවා.

ඒ වගේම ආණ්ඩුවේ ජන­ප්‍ර­සා­දය දිනෙන් දින අඩු වෙමින් පව­ති­නවා. විදේ­ශීය රට­වල සිටින ශ්‍රී ලාංකි­ක­යන් ද ආණ්ඩුව ප්‍රති­ක්ෂේප කරන තත්ත්ව­යක් උදා වී තිබෙ­නවා. කෙසේ නමුත් සමගි ජන බල­වේ­ගයේ නායක විපක්ෂ නායක සජිත් ප්‍රේම­දාස මහ­තාගේ නාය­ක­ත්ව­යෙන් සමගි ජන බල­වේ­ගය ශක්ති­මත්ව ඉදි­රි­යට ගෙන යන්න කට­යුතු කරනු ලබ­නවා. ඒ අනුව ඉදි­රියේ පැවැ­ත්වෙන ඕනෑම මැති­ව­ර­ණ­ය­කින් ජය­ග්‍ර­හ­ණය කර­න්නත් සමගි ජන බල­වේ­ගය කට­යුතු කරනු ලබ­නවා.

ඒ වගේම සමගි ජන බල­වේ­ගයේ ප්‍රති­ප­ත්ති­ව­ලට එකඟ වන කණ්ඩා­යම සමඟ එක­තුවී සමගි ජන බල­වේ­ගය ඉදි­රි­යේදී කට­යුතු කරනු ලබ­නවා. එයින් ප්‍රධාන කණ්ඩා­යම වන්නේ එක්සත් ජාතික පක්ෂ­යයි.”