ඒ අනුව කොළඹ දිස්ත්‍රි­ක්ක­යෙන් 263ක්, ගම්පහ දිස්ත්‍රි­ක්ක­යෙන් 146ක් හා කළු­තර දිස්ත්‍රි­ක්ක­යෙන් 57ක් වාර්තා වී ඇති බව ඔහු ප්‍රකාශ කර ඇත.

මීට අම­ත­රව යාප­න­යෙන් 36ක්, කුරු­ණෑ­ග­ලින් 26ක්, රත්න­පු­රෙන් 68ක් හා කෑග­ල්ලෙන් 20 දෙනකු වාර්තා වී ඇති බව ඒ මහතා කියා සිටි­යේය.

ඉදි­රි­යේදී ඊසාන මෝසම ඇති වන හෙයින් ඩෙංගු රෝගීන්ගේ සංඛ්‍යාව වැඩි විය හැකි බව පැවැසූ කපිල කන්නං­ගර මහතා සිය පරි­ස­රය පිරි­සු­දුව තබා ගැනීම ජන­තා­වගේ වග­කී­මක් හා යුතු­ක­මක් බව පැව­සීය.

ශ්‍රී ලංකා රතු කුරුස සමා­ජය (SLRCS), ජාත්‍ය­න්තර රතු කුරුස සහ රතු අඩ සඳ සමා­ජය (IFRC) හා සෞඛ්‍ය අමා­ත්‍යාං­ශයේ ජාතික ඩෙංගු පාලන ඒක­කය (NDCU) ආය­තන එක්ව මෙම ක්‍රියා­කාරි සැලැස්ම ක්‍රියා­ත්මක කිරී­මට සැල­සුම් කර තිබේ.

ගෝලීය වශ­යෙන් ඩෙංගු රෝගය කෙරෙහි අව­ධා­නය යොමු කළ පළමු පූර්ව ක්‍රියා­කාරී විධි­වි­ධාන සැලැස්ම මෙයයි.

ප්‍රජාව සවි­බල ගැන්වී­මෙන් ඩෙංගු වසං­ග­ත­යෙන් ඇති වන්නා වූ සමස්ත බල­පෑම අවම කිරීම, රෝගී තත්ත්ව­යන් සහ මරණ සංඛ්‍යාව අවම කර­ගැ­නී­මට හැකි වීම සහ දරු­වන් ඩෙංගු වසං­ග­ත­යෙන් ආරක්ෂා කිරීම වැනි කරුණු මෙම වැඩ­පි­ළි­වෙළ මඟින් අපේක්ෂා කෙරේ.