ඉන්දීය අගමැති නරේන්ද්‍ර මෝදිගේ උපදෙස් මත ඉන්දීය විදේශ කටයුතු ඇමැතිවරයා මෙරටට පැමිණෙන බව විදේශ කටයුතු අමාත්‍යංශය සඳහන් කරයි. මේ අතර චීනයේ ජාතික මහජන කොංග්‍රසයේ ස්ථාවර කමිටුවේ සභාපති ෂාඕ ලේජි ද සහන පැකේජයක් රැගෙන දෙදින නිල සංචාරයක් සඳහා හෙට (23) වැනිදා මෙරටට පැමිණීමට නියමිතය. චීන රජයේ නියෝජිතයා ඇතුළු පිරිස දෙදිනක් මෙරට රැඳී සිටියද ඉන්දීය විදේශ අමාත්‍යවරයා හෙට මෙරටින් පිටත්ව යාමට නියමිතය. ඉන්දියාව ආරම්භ කළ ‘සාගර බන්දු’ මෙහෙයුමේ තවත් පියවරක් ලෙස මෙරටට පැමිණ අදාළ සහන පැකේජය ලබාදීමට නියමිත බව විදේශ කටයුතු අමාත්‍යංශය කියයි. චීනයේ ජනාධිපති සහ අගමැතිවරයාට පසු තුන්වැනි බලවතා ලෙස සැලකෙන මහජන කොංග්‍රසයේ ස්ථාවර කමිටුවේ සභාපති ෂාඕ ලේජි මෙරට රැඳී සිටින දෙදින තුළ ජනාධිපති, අගමැතිනිය හා තවත් හමුවීම් කිහිපයකට සැලසුම් කර ඇතැයි ද විදේශ කටයුතු අමාත්‍යංශය සඳහන් කරයි.