මෙලෙස දඩ නියම වී ඇත්තේ හපුතලේ, වැලිමඩ පාරේ පිහිටි පෞද්ගලික සමාගමකට අයත් හෝටලයකටයි.
පාරිභෝගික කටයුතු පිළිබඳ අධිකාරියේ බදුල්ල දිස්ත්රික් කාර්යාලයේ නිලධාරීන් විසින් සිදුකළ විශේෂ වැටලීමකදී, අදාළ හෝටලය විසින් නියමිත උපරිම සිල්ලර මිල ඉක්මවා පානීය ජල බෝතලයක් පාරිභෝගිකයෙකුට අලෙවි කර ඇති බවට අනාවරණය වී තිබෙනවා.
ඒ අනුව අදාළ හෝටල් පාලනාධිකාරියට එරෙහිව පාරිභෝගික අධිකාරිය විසින් බණ්ඩාරවෙල මහේස්ත්රාත් අධිකරණයේ නඩු පැවරීමටයි කටයුතු කර ඇත්තේ .
ඊයේ (24) අදාළ නඩුව විභාගයට ගත් අවස්ථාවේදී, ඉදිරිපත් වූ කරුණු සලකා බැලූ බණ්ඩාරවෙල මහේස්ත්රාත්වරයා, වරදකරු වූ හෝටලයට රුපියල් මිලියනයක හෙවත් ලක්ෂ දහයක දඩ මුදලක් ගෙවන ලෙසයි නියෝග කරනු ලැබුවේ.
