මෙම සැකකාර අතරමැදි ව්යාපාරිකයා අත්අඩංගුවට ගෙන ඇත්තේ තමන්ව දෙවැනුව දූෂණය කළේ මෙම අතරමැදි ව්යාපාරිකයා බවට පොලිස් විමර්ශන කණ්ඩායමකට ලබාදී ඇති ප්රකාශයක් ඔස්සේ සිදුකළ මූලික විමර්ශන වලින් අනතුරුවය.
දූෂණයට ලක්ව ඇතැයි කියන 15 හැවිරිදි බාලවයස්කාර දැරිය ගම්පහ මහ රෝහලේ අධිකරණ විශේෂඥ වෛද්යවරයාට ප්රකාශයක් ලබාදෙමින් සඳහන් කර ඇතැයි පැවසෙන්නේ තමන්ව මුලින්ම දූෂණය කළේ අනුරාධපුර විහාරස්ථානයක විහාරාධිපති හිමිනමක බවයි.
අදාළ විහාරාධිපති හිමිනම පිළිබඳව දැරිය සිය ප්රකාශය සිදුකර ඇත්තේ එම හිමිනමගේ නම සඳහන් කරමින් හා ඡායාරූප ද පෙන්වමිනි. තවද දෙවැනුව තමන් දූෂණය කළේ දඹුල්ල ප්රදේශයේ ව්යාපාරිකයකු බවත් තෙවැනුව තමන් දූෂණය කළේ කොන්දොස්තරවරයකු වන තම පෙම්වතා විසින් බවත් ඇය පවසා තිබේ.
මෙම කරුණු ගම්පහ මහ රෝහලේ අධිකරණ විශේෂඥ වෛද්යවරයාට ප්රකාශ කොට ඇත්තේ අධිකරණ විශේෂඥ වෛද්යවරයා ඇය අධිකරණ වෛද්ය පරීක්ෂණයකට භාජනය කළ අවස්ථාවේදීය.
මෙම අපරාධය සම්බන්ධයෙන් දැනට සිදුකොට ඇති විමර්ශන වලට අදාළව අපරාධය සිදුකළ බවට සැලකෙන පිළිවෙළින් දෙවැනි සහ තුන්වැනි සැකකරුවන් අත්අඩංගුවට ගෙන ඇති අතර අපරාධයට සම්බන්ධ පළමු සැකකරු බවට සැලකෙන විහාරාධිපති හිමි නම මෙතෙක් අත්අඩංගුවට ගෙන නොමැත.
