විධායක ජනාධිපති ක්‍රමයේ බලතල අහෝසි කිරීම ඇතුළු ජාතික හෙළ උරුමය ඉදිරිපත් කොට යෝජනාවලට ජනාධිපති මහින්ද රාජපක්ෂ මහතා අනුමැතිය පළ නොකරන්නේ නම්, එළැඹෙන ජනාධිපතිවරණයේදී විරුද්ධ පක්ෂයේ අපේක්ෂකයාට සහාය දීමට සිදු වනු ඇති බව ජාතික හෙළ උරුමයේ සභාපති පුජ්‍ය අතුරලියේ රතන හිමියෝ ඊයේ (09) රාත්‍රී බිබිසි සංදේශයට අදහස් දක්වමින් අවධාරණය කර සිටියහ.
එම ස්ථාවරය සම්බන්ධයෙන් පක්ෂය තුළ කිසිදු මතභේදයක් නොමැති බවද අතුරලියේ රතන හිමියන් අවධාරණය කළහ.
ජනාධිපතිවරයා අත්තනෝමතිවකව නීතිවිරෝධී ජනාධිපතිවරණයක් කැඳවනු ලැබුවහොත් ඊට එරෙහිව ආණ්ඩුවේ ප්‍රබල ඇමතිවරුන් පිරිසක්ද එකතු වන බව අතුරලියේ රතන හිමියන් ඊයේ (09)පැවති මාධ්‍ය හමුවකදී ප්‍රකාශ කළේය.
