රජයේ වෛද්‍ය නිලධාරින්ගේ සංගමයේ ගාල්ල දිස්ත්‍රික් ලේකම් කමල් කොඩිකාර මහතා ප්‍රකාශ කළේ ගාල්ල සෞඛ්‍ය වෛද්‍ය නිලධාරි කාර්යාලය වසා දැමීමට විරෝධය පළ කිරීම වර්ජනයේ අරමුණ බවයි.
ගාල්ල මහ නගර සභා පරිශ්‍රයේ පිහිටා ඇති එම සෞඛ්‍ය වෛද්‍ය නිලධාරි කාර්යාලය වසා දැමීමට තීරණය කර ඇත.
ගාල්ල නාගරික සෞඛ්‍ය වෛද්‍ය නිලධාරිවරයා මහ නරග සභා සේවකයෙකුට පහරදුන්නේ යැයි කියන සිද්ධියක් මේ සඳහා හේතුවී තිබේ.
කෙසේ වුව ද නාගරික සෞඛ්‍ය වෛද්‍ය නිලධාරි වෙනුර සිංගාරච්චි මහතා ප්‍රකාශ කළේ තමන් නගර සභා සේවකයෙකුට පහරදුන් බවට එල්ල වන චෝදනාව අසත්‍යයක් බවයි.
