ඒ අනුව ඊයේ වන විට පාර්ලිමේන්තුවේ ආණ්ඩු පක්‍ෂයේ මන්ත්‍රීවරුන් ගණන (කථානායකවරයා ද සමගින්) 149 කි. විපක්‍ෂයේ මන්ත්‍රීවරුන් ගණන 76 කි.
තුනෙන් දෙකක බහුතර බලයක්‌ සඳහා අවශ්‍ය මන්ත්‍රීවරුන් ගණන 150 කි. මේ අනුව මෙතෙක්‌ කලක්‌ පාර්ලිමේන්තුවේ තිබූ බහුතර බලය ඊයේ සිට ආණ්ඩු පක්‍ෂයෙන් ගිලිහිණි.
මේ තත්වය මත මහින්ද රාජපක්ෂ මහතා මේ වන තුරු වේදිකාවල පැවැසූ ලෙස විධායක ජනාධිපතිධුරය අහෝසි කිරීමේ හැකියාව පවතින්නේ තමන්ට පමණක් බවට ගෙන ගිය ප්‍රචාරක කටයුත්ත අවසන් වෙයි. ඔහු පැවසූවේ තුනෙන් දෙක තමන්ට තිබෙන නිසා ඒ අහෝසි කිරීමේ හැකියාව තමන්ට තිබෙන බවය.
