සියලුම ඡන්ද දායකයින්ගේත්, ඡන්ද පොළ නිලධාරීන්ගේත්, ගණන් කිරීමේ නිලධාරීන්ගේත් ආරක්ෂාව පිළිබද වගකියන බවට පොලිස්පතිවරයා දේශප‍්‍රිය මහතාට සහතික වී අැත.
ඡන්ද ගණන් කිරීමේ මධ්‍යස්ථාන වල ආරක්ෂාවට සෑම ස්ථානයකම විශේෂ කාර්ය බලකාය යෙදීමට බලාපොරොත්තු වන බවත් එබැවින් කිසිදු ඡන්ද පොළ නියෝජකයෙක් හෝ ගණන් කිරීමේ නියෝජකයෙක් හෝ ඡන්ද දායකයෙකු හෝ දේශපාලකයෙකු ඡන්ද විමසීමට පෙර දින හෝ ඡන්දය විමසන දින හෝ ඉන් පසුව හෝ ප්‍රචණ්ඩක්‍රියා ඇතිවේ යැයි යනුවෙන් බියක් ඇති කර ගැනීමට අවශ්‍ය නොවන බවටත් පොලිස්පතිවරයා සහතික වී අැත.
ජනාධිපතිවරණය වෙනුවෙන් පොලිස් ජංගම සංචාර 2884ක් ක‍්‍රියාත්මක කිරීම පොලිස් දෙපාර්තමේන්තුව තීරණය කර අැත. පොලිස් මාධ්‍ය ප‍්‍රකාශක ජ්‍යෙෂ්ඨ පොලිස් අධිකාරි අජිත් රෝහණ මහතා ප‍්‍රකාශ කළේ එමගින් ඡන්ද මධ්‍යස්ථාන 12,000කට වැඩි ප‍්‍රමාණයක් ආවරණය කෙරෙන බවයි. එමෙන්ම ගණන් කිරීමේ මධ්‍යස්ථාන 49ක් ද විශේෂ පොලිස් ආරක්‍ෂාවක් යොදවා ඇති බව ඒ මහතා වැඩිදුර කියා සිටියේය.
අද පෙරවරුවේ සිටම ඡන්ද මධ්‍යස්ථාන ආශ‍්‍රිතව විශේෂ ආරක්‍ෂක වැඩපිළිවෙලක් ක‍්‍රියාත්මක කිරීමට නියමිතය. ඡන්ද දායකයින්ගේත් නිලධාරීන්ගේත් ආරක්ෂාව සම්බන්ධයෙන් පොලිස්පතිවරයා තමන්ට සහතිකයක් ලබාදුන් බව මැතිවරණ කොමසාරිස් මහින්ද දේශප‍්‍රිය මහතා පවසයි.
Leave a comment
