මේ අතර ජනාධිපතිවරණ කටයුතු වෙනුවෙන් යොදා ගනු ලැබූ පාසල් අද දිනයේදී යළි විවෘත කරන බව අධ්‍යාපන අමාත්‍යාංශය පවසයි. ඒ අනුව කොළඹ රාජකීය, ඞී.එස්.සේනානායක යන විදුහල් සහ ගම්පහ පත්තල ගෙදර විද්‍යාලෝක විද්‍යාලය අද විවෘත කිරීමට නියමිතය. කළුතර දෙදියවල මියුසියස් විද්‍යාලය, මහනුවර ශාන්ත සිල්වෙස්ටර් සහ හේමමාලි බාලිකා යන විදුහල් ද අද යළි විවෘත කෙරෙනු ඇත.
මාතලේ කි‍්‍රස්තුදේව විද්‍යාලය, නුවරඑළිය ගාමිණී ජාතික පාසල, ගාල්ල ශ්රී හෘද කන්‍යාරාමය, මාතර සුජාතා බාලිකා විද්‍යාලය සහ හම්බන්තොට සුචි ජාතික පාසල ද අද විවෘත කිරීමට නියමිතය. යාපනය මධ්‍ය මහා විද්‍යාලය, මුලතිව් මහා විද්‍යාලය, මඩකලපුව හින්දු විද්‍යාලය, ති‍්‍රකුණාමලය විපුලානන්ද විද්‍යාලය ද අද දිනයේදී විවෘත කෙරෙන තවත් පාසල් කිහිපයකි. මීට අමතරව කුරුණෑගල මලියදේව බාලක සහ බාලිකා විදුහල් ද, සර් ජෝන් කොතලාවල විද්‍යාලය ද අද යළි විවෘත කෙරෙනු ඇත.
පුත්තලම සෙයිනබ් බාලිකා විද්‍යාලය, ෆාතිමා බාලිකා විද්‍යාලය සහ ශාන්ත ඇන්ඩෲ විද්‍යාලය ද, අනුරාධපුර මධ්‍ය විද්‍යාලය ද අද විවෘත කිරීමට නියමිතයි. බදුල්ල මධ්‍ය මහා විද්‍යාලය විහාර මහාදේවි බාලිකා විද්‍යාලය, මොණරාගල රාජකීය විද්‍යාලය, කෑගල්ල බාලිකා විද්‍යාලය සහ ස්වර්ණ ජයන්ති බාලිකා විද්‍යාලය ද අද විවෘත කෙරෙන බව අධ්‍යාපන අමාත්‍යාංශය නිවේදනය කළේය.
