ශ්‍රී ලංකා ක්රිකට් ප්‍රධාන විධායක ඈෂ්ලී ද සිල්වා වෙත ලිපියක්‌ යොමු කර ඇති මහේල ජයවර්ධන, ඉදීරියේදී පැවැත්වීමට නියමිත දකුණු අප්‍රිකාව සහ පාකිස්‌තානය අතර ටෙස්‌ට්‌ තරගවලින් පසු තමන් එම තරග අංශයෙන් සමුගැනීමට තීරණය කළ බව දැනුම් දී තිබේ.
මෙහිදී වැඩිදුරටත් සිය ලිපියෙන් අදහස්‌ දක්‌වා ඇති මහේල, 'වසර 18 ක්‌ තිස්‌සේ මගේ රට නියෝජනය කිරීමට ලැබීම මහත් භාග්‍යයක්‌. එයට සමුදීම ලෙහෙසු පහසු තීරණයක්‌ නොවෙයි. ඒත් මම විශ්වාස කරනවා මේ ඒ සඳහා වන සුදුසුකම කාලයයි කියලා'
ශ්‍රී ලංකාව මෙහෙයවන ලද නායකයන් අතුරින් වැඩිම ජයග්‍රාහී ප්‍රතිශතයක්‌ හිමි නායකයා බවට පත්ව සිටින මහේල, ටෙස්‌ට්‌ අංශයෙන් සමුගත්තද එක්‌දීන තරග අංශයෙන් ඉදීරියටත් ජාතික කණ්‌ඩායම නියෝජනය කිරීමට බලාපොරොත්තුවෙන් පසුවේ.
මේ වන විටත් 37 වැනි වියේ පසුවන මහේල ලසිත් මාලිංගගේ නායකත්වයෙ යටතේ ශ්‍රී ලංකාව දීනාගත් විස්‌සයි/20 ලෝක ශූරතා අවසන් මහ තරගයෙන් පසු විස්‌සයි/20 තරග අංශයටද සමුදුන්නේය.
1997 වසරේදී ඉන්දීයාවට එරෙහිව ටෙස්‌ට්‌ වරම් ලද මහේල එම තරගයේදී ලකුණු 66 ක්‌ වාර්තා කිරීමට සමත්විය. එතැන් පටන් ශ්‍රී ලංකාව වෙනුවෙන් ටෙස්‌ට්‌ තරග 145 කට සහභාගිවී ඇති මහේල එහිදී ලකුණු ලබා ගැනීමේ සාමාන්‍ය 50.18 ක්‌ වශයෙන් රඳා තබා ගනිමිනු මුලු ලකුණු 11,439 ක්‌ රැස්‌කරගෙන සිටින අතර එයට ශතක 33 ක්‌ සහ අර්ධ ශතක 48 ක්‌ ඇතුළත් වේ.
එක්‌දීන තරග 420 කට සහභාගිවී ඇති මහේල ශතක 16 ක්‌ සහ අර්ධ ශතක 72 ක්‌ සමගින් මුලු ලකුණු 11,681 ක්‌ රැස්‌කරගෙන සිටියි. එම අංශයේදී මහේල රැකගෙන තිබෙන උඩ පන්දු සංඛ්‍යාව 204 ක්‌ වන අතර එය එක්‌දීන තරග අංශයේ ක්‍රීඩකයෙකු රැකගෙන සිටින වැඩිම උඩ පන්දු සංඛ්‍යාව ලෙසද සටහන් වේ.
මහේලගේ සමුගැනීමට හේතුව 2015 වසර වන විට ඔහු සම්පූර්ණයෙන්ම ක්රිකට් පිටියට සමුදීමට තීරණය කර තිබීමයි. එළඹෙන එක්දින ලෝක කුසලාන තරගාවලියෙන් පසු එක්දින පිටියටද සමුදීමට තීරණය කර සිටින මහේල අනතුරුව ව්‍යාපාරික ලෝකය ජය ගැනීමට උත්සාහ කරනු ඇති බවටද වාර්තාවෙයි.
(free hit ඇසුරෙනි)
