ගෝඨා තුට්‍ටු දෙකට විකුණන්න ගිය මිල්කෝ ඉඩම බේරාගනී(audio)

Published in පුවත්
Friday, 20 March 2015 13:07

මිල්කෝ සමාගමට අයත් නාරාහේන්පිට පිහිටි ඉඩම සොෆ්ට්ලොජික් නම් පෞද්ගලික සමාගමකට කුණු කොල්ලයට විකිණීමට පසුගිය ආණ්ඩුවේ ආරක්ෂක ඇමතිවරයා දැරූ උත්සාහය වත්මන් ආණ්ඩුව විසින් වලැක්වූ බව සමාජ සුභ සාධන සහ පශු සම්පත් සංවර්ධන අමාත්‍ය පී. හැරිසන් මහතා පැවසූවේය.

ඔහු මේ අදහස් පැවසූවේ දින සියය වැඩසටහන යටතේ සමාජ සුභ සාධන සහ පශු සම්පත් සංවර්ධන අමාත්‍යාංශය ක්‍රියාත්මක කිරීමට බලාපොරොත්තු වන වැඩපිළිවෙල පිළිබදව හැදින්වීමක් සිදු කිරීමේ මාධ්‍ය හමුවට අද(20) සහභාගිවෙමිනි.

පසුගිය රජය යටතේ මිල්කෝ සමාගමට අයත් පර්චසයක් ලක්ෂ 50ක පමණ වාණිජ වටිනාකමෙන් වැඩි මෙම ඉඩම නාගරික සංවර්ධන අධිකාරිය යටතට පවරාගෙන පර්චසයක් ලක්ෂ 15 ක් වැනි අඩුමුදලකට සොෆ්ට්ලොජික් ආයතනයට විකිණීමට තීන්දු කර තිබීම රටකට හානියක් බවත් එවැනි දේකට කිසිසේත් ඉඩක් නොදෙන බවත්ය.

මෙහිදී ‍‍‍‍‍‍‍හිටපු ආරක්ෂක ලේකම්වරයා සහ එම සමාගම අතර සම්බන්ධයක් ඇතිදැයි මාධ්‍යවේදියෙකු නැගූ ප්‍රශ්කයකට පිළිතුරු දෙමින් පී හැරිසන් අමාත්‍යවරයා පවසා සිටියේ ‍ 'සම්බන්ධයක් නැතිනම් තුට්ටුදෙකට දෙන්නෑනේ. සම්බන්ධයක් තියෙනබව පැහැදිලියි 'යනුවෙනි.

කෙසේ නමුත් සොෆ්ට්ලොජික් සමාගම යනු පසුගිය පාලන සමයේදී හිටිහැටියේ බිලියන් පතියන් වූ සමාගමකි. නව ව්‍යාපාර කිහිපයක් සඳහා රුපියල් බිලියන් ගනනින් ආයෝජය කිරීමද එකල සිදු වූ අතර විපක්ෂ ක්‍රියාකාරීන් ජනාධිපතිවරණ සමයේදී මෙම සමාගම රාජපක්ෂවරුන්ගේ සමාගමක් බවටද චෝදනා කෙරිණි.

මෙම මාධ්‍ය හමුවේදී සමාජ සුභ සාධන සහ පශු සම්පත් සංවර්ධනඅමාත්‍යාංශය යටතේ වකුගඩු රෝගීන් සදහා ලබාදෙන රුපියල් 3000ක මූල්‍යාධාරය පසුගිය ආණ්ඩුවේ ක්‍රියාකලාපය මෙන් හිතවතුන්ට පමණත් ලාභ සැලසීමක් නොවන බවත් සත්‍ය තොරතුරු සොයා බලා ලැබිය යුත්තන් සියලුම දෙනාට එය ලබාදීමට කටයුතු කරන බවත් හැරිසන් මහතා පැවසුවේය.

අමාත්‍යාංශය යටතේ ක්‍රියාවට නැංවෙන ක්ෂණික සහන වැඩපිළිවෙළ පිළිබදවද යුද්ධයෙන් හා වකුකඩු රෝගය නිසා පීඩාවට පත්වූ හා රෝගීවුවන්ට සහන සැළසීම ,මත්ද්‍රව්‍ය තුරන්කිරීමේ වැඩසටහන, අහිතකර වල්නාශක හා කෘෂි රසායන තහනම් කිරීම පිළිබදව සහ සතත්ව හිංසනය වැළැක්වීම යන කාරණා පිළිබදව අමාත්‍යාශයේ වැඩපිළිවෙළ පිළිබදවද මෙහිදී අමාත්‍යාංශ ලේකම්වරිය විසින් පැහැදිලි කිරීමක් සිදු කළාය.

{soundcloud}https://soundcloud.com/lankadaily/p-harisan{/soundcloud}

herisan lekam

Leave a comment

ld add copy

Gossip

ආණ්ඩු පක්ෂ ,විපක්ෂ දේශපාලඥයින් රැසක් ප්‍රීති සාදයක

ආණ්ඩු පක්ෂ ,විපක්ෂ දේශපාලඥයින් රැසක් ප්‍රීති සාදයක

ආණ්ඩු පක්ෂයත් විරුද්ධ පක්ෂයත් නියෝජනය කරන දේශපාලඥයින් රැසක් ඊයේ(17) රාත්‍රියේ පැවති විවාහ මංගල උත්සව...

ඇල්ලේ අනතුරට මුහුණ දුන් දියණිය පැය 5ක් මවත් සමග දුරකථනයෙන් කතා කරයි

ඇල්ලේ අනතුරට මුහුණ දුන් දියණිය පැය 5ක් මවත් සමග දුරකථනයෙන් කතා කරයි

ඇල්ල – වැල්ලවාය මාර්ගයේ රාවණා ඇල්ල ආසන්නයේ සිදුවූ බිහිසුණු බස් අනතුර පිළිබඳ පුවත පසුගිය දා රටේම කතා...

හිටපු ජනපති රනිල්ගෙන් විශේෂ ප්‍රකාශයක්.. ආණ්ඩුවට එරෙහිව නඩු යන ලකුණු !   

හිටපු ජනපති රනිල්ගෙන් විශේෂ ප්‍රකාශයක්.. ආණ්ඩුවට එරෙහිව නඩු යන ලකුණු !  

හිටපු ජනාධිපති රනිල් වික්‍රමසිංහ මහතා එළැඹෙන 06 වනදා විශේෂ ප්‍රකාශයක් සිදුකිරීමට නියමිත බව වාර්තා වෙ...

රෝහලේ සිට රනිල් ගහපු ගේම

රෝහලේ සිට රනිල් ගහපු ගේම

මේ සතියේ ලංකාවේ මෙන්ම විදෙස් දේශපාලන ලෝකයේ වැඩිපුරම කතා බහට ලක් වූ චරිතය වන්නේ රනිල්ය.රනිල් වෙනස කතා...

Connet With Us