අමාතවරයා මේ බව පැවසුවේ උතුරු කොළඹ පැවැති ජනහමුවකට එක්වෙමිනි.
විධායක ජනාධිපති ධුරය ඇති කිරීමෙන් රටට යම් අගතියක් සිදු වූයේ නම් එය ඉවත් කිරීමට එක්සත් ජාතික පක්ෂය ප්‍රමුඛ ආණ්ඩුවකට ම හැකි වූ බව අමාත්‍යවරයා කියා සිටියේය.
විධායක ජනාධිපති ක්‍රමය හඳුන්වා දීම නොව එය අහෝසි කිරීමට මෙතෙක් කලක් ගතවීම ගැටලු සහගත විය.
එක්සත් ජාතික පක්ෂයේ ම ඇතැම් පිරිසක් ද මීට එරෙහි වු අතර ශ්‍රී ලංකා නිදහස් පක්ෂය ප්‍රමුඛ පෙරමුණු සන්ධානවලින් බලයට පත් සියලු දෙනා විධායක බලතල ඉවත් කරන බවට පොරොන්දු වු නමුත් ඒවා පොරොන්දුවලට පමණක් සීමා වූ බව රවී කරුණානායක අමාත්‍යවරයා පෙන්වා දුන්නේය.
එහෙත් මෛත්‍රී - රනිල් යහපාලන ආණ්ඩුව ලබා දුන් පොරොන්දු ඒ අයුරින් ම ඉටු කරමින් විධායක බලතල ඉවත් කිරීමට කටයුතු කළ බව අමාත්‍යවරයා මෙහිදී වැඩිදුරටත් පැවසීය.
ලංකා පුවත්
